喜慶素食 (已結業)

屋企人喜歡飲茶,但又覺得點心太油,見呢間喜慶有點心又係齋菜,於是興致勃勃去食下。鮮竹卷:清甜上湯,不算油,有木耳,葛絲同蘿蔔絲,清淡點心,我收貨。炸芋頭春卷: 春卷皮夠香脆,但芋頭欠奉以致食到的是春卷的油味,有待進步。叉燒腸粉,佢有個兩人餐可以簡一個點心,一個主菜同一個小菜,只要$108,都抵食。腸粉的素叉燒份量都多,腸粉皮整得好食,唔會厚粉。什錦炒飯,炒得好乾身同硬口感,配料只是裝飾,味道淡,但大碟,3個人食都夠食。涼瓜炒排骨,高麗菜炒得夠味再加上少少辣,算惹味。涼瓜份量不多,偏苦,而素排骨其實是面筋,吸收左醬汁都幾好味,整體可接受。個人感覺食物唔算太油,但質數還待提高。而環境夠寬闊,幾好坐。