蘇哥清湯腩

營業中

休息中

諗住間餐廳新開張，見黑雨唔使返工就同屋企人落去試吓。我哋等咗幾分鐘就有得入去。店面比較逼窄，衛生一般。入到去坐低冇耐，已經聽到個店員因為座位問題，同啲客人嗌交。屋企人叫咗個紫菜三寶丸河粉，等咗15分鐘先到。我自己叫咗個崩沙腩河粉，點知等咗半個鐘，前前後後催咗三次都係漏單，完全唔知侍應同廚房點溝通，極度混亂。最後cancel張單走人算數，前前後後浪費咗30分鐘，服務極差離晒譜，以後唔會再去呢間餐廳。