茶。家廚房 (已結業)

就係因為西環既茶家就黎會關門大吉所以趁佢未接時就梗係去試多次啦。話說之前已經食過一次架啦，就係因為佢個白朱古力scone好好味先會想去食多次。但去到竟然冇得食因為佢個menu係會不定時更新架⋯⋯不過其實佢其他口味既scone都好好味，佢做得好既地方係個scone好鬆化唔似出面其他地方做到硬邦邦。而今日既menu 有三款口味－無花果，薑同菠蘿我當然三款都試哂啦。我個人比較喜歡無花果，果肉多比較有口感。而薑同菠蘿味道比較淡，都唔係咁食得出其味道。之於綠茶cheesecake 算中規中矩，軟軟地唔大甜，芝士味適中。coconut班蘭戚風蛋糕做得幾好，因為好多其他地方既蛋糕只做到隻顏色而冇其味道而茶家既蛋糕會食到淡淡班蘭味👍🏻而野飲方面我地叫左玫瑰奶茶，泰式冰奶茶，原味奶茶，紅茶配柚子茶同洛神花薄荷茶。柚子茶偏甜，玫瑰奶茶無咩玫瑰味，洛神花薄荷茶太漱口水。但真心值得推介係泰式冰奶茶同原味奶茶，奶味比較重，是我杯茶😋但如果過左6月後想食就要去上環店啦，希望到時都會食到我想食既白朱古力scone啦