勝記酒家 (已結業)

香港太多吾同種類既餐廳，真係多姿多彩，反而令我地出街少左揀食中菜，西餐日本野韓式好多選擇！但今次朋友提議食呢間勝記，真係勾起我愛中菜既心，只係平時習以為常出街吾會醒起去食。今次去既係酒樓，上到去發現都幾大，地理位置好近我上班既地方，可能下次都會再去！先叫左佢地招牌既燒豬先，懷舊醬烤豬，半隻份量都夠三人分喎，淺嘗後再點其他小菜食！燒豬外皮好薄脆，中間油脂滿溢，一咬就爆發，肉又有些微咸香，不錯的！但如果吾鐘意肥肉既朋友可能會麻麻地。 食完好吸引既燒豬後就點左椒鹽鮑魚，椒鹽原來同鮑魚都好夾，比係鮮魷我更愛鮑魚既版本呢！調味好惹味，但又吾會蓋過鮑魚既鮮味，入面仲保持到爽彈口感！另外仲叫左個泡椒龍躉頭腩，魚肉好滑，本身以為會好辣，但都ok喎~ 再入味啲就一級棒啦，好愛食辣野啊！