日滿屋 (已結業)

食放題通常都一大班人至坐得耐同熱鬧！但係我男朋友就好怕坐到咁迫同周圍啲人都好嘈！今日响九龍城探完朋友突然間好想食放題！男朋友又肯同我食！就試試呢間日滿屋先！環境比一般放題好！坐位闊落仲要係卡位！唔會要你枱同枱之間頂手㬹！周圍都好乾淨！ 即刻叫剌身同熟食先！叫咗海胆、甜蝦、三文魚腩！帶子、呑拿魚等等嘅壽司！你問我刺身壽司最緊要係乜？最緊要就係新鮮同啲飯唔硬啦！咁佢呢度刺身都新鮮！係啲飯就硬咗少少扣分！ 不過佢收黑松露醬配淡味嘅呑拿魚又出奇地夾！加分！帶子上面又加咗啲鵝乾醬又令啲帶子再鮮啲！加分！ 三文魚腩油花分佈夠肥美！加分！因為電話無乜電！其他熟食好似日式豬軟骨、燒三文魚鮫位、天婦羅、等熟食都影唔到！味道可以啦！係個豬軟骨真係炆得幾淋夠入味！天婦羅啲炸粉唔會厚厚的啲蝦仲剛剛熟！另外有個泡菜蟹好特別辣得嚟好嘢味！燒三文魚鮫位值得一讚㗎！唔惺皮少少脆但入面魚肉仲好嫰滑，加少許檸檬汁中和番油膩感！上菜時間尚可！都有啲拖啦！刺身唔夠多款，熟食合格！總括嚟講最讚嘅就係環境同服務！可以再來！