影片
更多
2021-08-28
2035 瀏覽
好耐冇食好食既中菜~今日難得同長輩聚餐，揀左呢間位於天后站對出NINA HOTEL既中餐廳飲茶☺️開得係酒店嘅茶樓當然裝修一定唔錯，而且服務到位，環境非常新淨企理。預先book定位，無論係中意食點心or食小菜都可以任你揀。今次兩樣都有試，食物水準真係幾高，基本上每一道菜都好食，中伏率係零😆雖然比起出面飲茶每個點心小菜都貴足兩三倍，但道道都食得出有特色，貴有貴道理！未上菜之前，就有個送既中湯俾你潤下喉先，今次係青紅蘿蔔湯，味道幾濃，有屋企煲出黎足料又冇味精既感覺，好飲。點心方面，叫左以下既食物☺️叉燒酥: 好鬆化!!好鬆化!!好鬆化!!呢個叉燒酥真係好出色，每碟得兩件，但個酥皮真係又熱又香，唔油得來又入口即溶！入面叉燒好足料，比例岩岩好！有機會必試！豉椒金錢肚: 好大舊好厚好肥美既牛肚☺️☺️唔太辣又唔太咸，而且又唔會出貓擺啲白蘿蔔墊底🤣大大舊有五舊，又淋，有濃厚既脂肪味又一啲筋同渣都冇，好食!!沙薑雞腳: 中意食雞腳既人士必點！因為佢真係整得好嫩好淋。入口果下係會覺得個雞皮好軟懦，唔會好似泰式鳳爪咁硬同爽，但食到中間又係爽爽地咁，點多少少沙薑食仲好味🥰🥰叉燒餐包: 餐包好靚仔，個皮好薄啊，食哂
預先book定位，無論係中意食點心or食小菜都可以任你揀。今次兩樣都有試，食物水準真係幾高，基本上每一道菜都好食，中伏率係零😆雖然比起出面飲茶每個點心小菜都貴足兩三倍，但道道都食得出有特色，貴有貴道理！
未上菜之前，就有個送既中湯俾你潤下喉先，今次係青紅蘿蔔湯，味道幾濃，有屋企煲出黎足料又冇味精既感覺，好飲。
青紅蘿蔔湯
38 瀏覽
0 讚好
0 留言
點心方面，叫左以下既食物☺️
叉燒酥: 好鬆化!!好鬆化!!好鬆化!!呢個叉燒酥真係好出色，每碟得兩件，但個酥皮真係又熱又香，唔油得來又入口即溶！入面叉燒好足料，比例岩岩好！有機會必試！
叉燒酥
23 瀏覽
0 讚好
0 留言
豉椒金錢肚: 好大舊好厚好肥美既牛肚☺️☺️唔太辣又唔太咸，而且又唔會出貓擺啲白蘿蔔墊底🤣大大舊有五舊，又淋，有濃厚既脂肪味又一啲筋同渣都冇，好食!!
豉椒文錢肚
17 瀏覽
1 讚好
0 留言
沙薑雞腳: 中意食雞腳既人士必點！因為佢真係整得好嫩好淋。入口果下係會覺得個雞皮好軟懦，唔會好似泰式鳳爪咁硬同爽，但食到中間又係爽爽地咁，點多少少沙薑食仲好味🥰🥰
沙薑雞腿
27 瀏覽
0 讚好
0 留言
叉燒餐包: 餐包好靚仔，個皮好薄啊，食哂成個都唔怕漏。不過如果要二揀一，都係叉燒酥更好食！
叉燒餐包
11 瀏覽
0 讚好
0 留言
食左少少點心，之後仲叫左三個小菜，炸子雞同飯。
炸子雞: 炸子雞係出面酒樓食一圍圍果啲餐都食到，但呢個炸子雞出色既地方係個皮真係好薄好脆! 食落去好香口啊😍而且隻雞又唔會太肥。
炸子雞
43 瀏覽
0 讚好
0 留言
大銀魚煎蛋: 呢道小菜相對地比較淡口，不過白飯魚好大條，如果加啲椒鹽仲正！
大銀魚煎蛋
22 瀏覽
0 讚好
0 留言
燒汁野菌炒牛柳: 如果有白飯，呢道餸一定係超送飯。燒汁本身比較濃味，而且牛肉做得好淋，完全冇筋好鬆軟！鑊氣都夠哂！
燒汁野菌炒牛柳
28 瀏覽
0 讚好
0 留言
燒碌鵝: 聽聞呢道係舊式懷舊菜，好少地方會有得食。碌鵝係指係燒鵝之前，會用熱油將隻鵝既皮淋到金黃色先，爆香個皮，再攞去燒。所以係好花功夫既一道菜，好少地方會再整。味道當然係好食😍用啲燒鵝汁一齊煲住去，食落去感覺冇咁油膩之餘，下面仲有炆到好淋既芋頭。
燒碌鵝
12 瀏覽
1 讚好
0 留言
荷葉飯: 先炒後蒸既荷葉飯，真係冇咩地方會咁有心機同你咁樣整😂但咁樣整嘅好處係個飯嘅香味本身已經炒到出晒，再加荷葉焗一焗，超級香！食落去真係淡淡荷葉味，而且入邊嘅蝦同豬肉都好爽好淋。成餐飯用一個荷葉飯收尾，完美！☺️
荷葉飯
14 瀏覽
0 讚好
0 留言
糖水: 因為食咗小菜嘅餐，所以最尾係每位都有糖水送。有綠豆沙，合桃露同埋杏仁茶揀。我哋就揀咗合桃露同埋杏仁茶。
雖然我唔係好鍾意食中式糖水，不過我覺得杏仁茶做得唔錯，入邊有蛋白，而且唔會做到好大浸藥水味，好甜咁樣。所以都算唔錯嘅。
杏仁茶
13 瀏覽
0 讚好
0 留言
合桃露
15 瀏覽
0 讚好
0 留言
總體而言，阿翁小館呢間中菜廳真係俾咗幾大驚喜我。喺食物品種方面夠晒多，食點心或者食小菜都大把嘢食俾你揀，每道菜同點心都做得有特色。雖然似飲茶黎講，價錢真係幾貴下，不過其實圍起每個人都只係唔使$300埋單，比起出邊食一set嘅點心餐其實價錢都唔係差幾遠。仲要係食到勁飽嗰隻。
所以性價比來講我覺得都唔錯，只要夠多人一齊食，試到嘅嘢食就越多。絕對之後會再翻兜呢間餐廳！想試買其他美食嘅嘢食😍😍
張貼
