黔滋味 (已結業)

餐廳：黔滋味菜式: 貴州風味/粉麵/米線地址: 大埔八號花園2座地下3號鋪阿哥住大埔，佢呢個地膽介紹我去「黔滋味」食貴州米線，原來八號花園好易去，只需要在大埔墟火車站A3 出口落隧道，乘接駁巴士K12便可直達，今日一於去試吓😃小食我哋揀咗涼拌萵筍，我哋揀BB辣，啱晒唔係食得好辣嘅我哋，但又想刺激食慾😊主食我哋點了「海鮮粉」，大蝦、青口及魷魚每款有兩件，食材全部新鮮有鮮味；另外「三鮮粉」分別有扎肉、蕃茄及木耳，扎肉尤其出色，都係老闆娘自家製的，薄薄的但有口感；還有，個人覺得手打牛丸都係好正，皆因牛丸牛味濃郁，彈牙多汁，好好味呀👍很欣賞老闆娘用心製作自家熬製的五指毛桃豬骨湯底 ，喺坊間好難食到呢啲無味精嘅湯底，真係湯都可以飲埋；另外米線夠滑及爽口彈牙，喜歡吃米線的一定不要錯過，真係正❤️飲品我們點了「玫瑰花黑枸杞茶」冷熱各一杯，雖然係喺小店進食，感覺也十分滿足呢！