Mille Mele Tokyo (已結業)

-世界一蘋果批 $36蘋果批新鮮出爐，即使買完「相機食先」，放咗陣依然保持到酥脆口感。酥皮好香牛油味，夾心由蜜餞富士蘋果粒、吉士醬同豆乳忌廉混合而成，味道輕盈不油膩。價錢對我而言有啲貴，因為平時好少特登去蘋果批專門店，亦比較少聽到。不過呢間可以偶然再食，屬於值得一試嘅滋味。-千層一口酥 $36一口大細嘅千層酥，可以令人更專注於酥皮嘅魅力之中。外脆內軟，外層裹上薄薄一層富蜜味嘅雲呢拿糖漿，唔會太乾身，令人忍唔住食完一粒又一粒。店員態度唔錯，每次比貨客人都會好禮貌咁多謝幫襯，令我諗起禮貌度高嘅日本，服務態度值得加許。即使店員唔多，出貨速度都唔算耐，可以再試。