家賀屋

呢排心情唔係咁好，家姐陪我去食好嘢，飲返兩杯relax下。呢間餐廳都係朋友介紹，可能係樓上舖嘅關係坐得好寬敞，我哋點咗厚切牛舌，同埋雞串燒。牛舌真係燒到啱啱好，而且燃燒好入味，雞串入邊加咗雞軟骨比較有口感，再點埋一蘭蛋，入口好嫩滑滑嘅感覺，好好味。海膽吞拿魚腩蓉飯呢個除咗好味之外，仲好抵食，賣相超靚，海膽配吞拿魚蓉，再加埋蛋一齊食，令到個飯可以更香，本身只係百幾蚊，加多$45可以變咗套餐，有多一碗蒸蛋，一碗湯，仲有一碗烏冬。成件事即刻抵好多。刺身我哋點咗三款，全部都好新鮮，不過要讚吓隻鮑魚非常鮮甜，而且好彈牙。壽司做到一啖一嚿，而且壽司飯係有味，基本上唔使點豉油都可以食到鮮味，超滿足。呢間餐廳真係性價比超級高，加上環境寬敞，價錢又大眾化，絕對可以再三來訪嘅餐廳。