尚素 (已結業)

約左舊朋友食飯，朋友係食素之人。佢提議去呢間新開既素食店。尚素位於一觀塘工業區新型大廈，門店好靚好光鮮，拍得住大型商場。店內好光猛舒適，裝修細膩。仲有兩間房，有得包廳聚餐添。一坐低就見到有promotion，新開張每位都送《羊肚菌燉湯》，正。Menu上面有唔少選擇，無諗過素食都會有甘多款式。《一品羊肚菌燉湯》熱辣辣，原盎上，一打開已經好香。睇下裡面，好足料，同圖片相符。入口好香濃，素湯雖然無肉類但有鮮味。《涼拌海蜇》海蜇成日食，素海蜇你食過未？入口好滑，口感好爽，配青瓜一流。醬汁微辣，味道好清新。每條海蜇上面有細切紋，好有誠意，均勻沾上醬汁。問一問店員，到底素海蜇係用咩材料，原來係蒟蒻！《重慶龍口粉絲》呢道菜非常精彩。粉絲好幼滑，火候岩岩好，好煙韌。粉絲上面輔滿碎菇，增加口感。味道方面，係正宗川菜既香，配喉嚨湧上既辣。十分惹味！《一品羅漢齋》呢個好足料，有西蘭花、雪耳、木耳、雲耳、栗米仔、甘荀仔、香菇、花菇、磨菇、羊肚菌等等。茨汁杰杰地，好香濃。我個人對齋菜無咩研究，朋友仔就話好好食。《X.O.牛肝菌翠肉瓜煲》呢個意外地係重口味野。甘多菇菇，到底牛肝菌係咩黎架呢？原來佢既質地滑滑地，有