紅螞蟻 (已結業)

和男友經常食早餐都唔錯,今晚行過試晚飯,二人餐唔啱心水散叫,金牌雜錦焗飯,有2粒帶子,少少雞,同好多豆角,無乜味又唔特別,唔知點金牌法,燒牛俐好燶又係無味,安格斯小牛扒菜沙律,有八件手指公大小牛扒,成份都唔好食,加一杯檸樂埋單約一百八十,唔明點解全場滿座.另女仕注意,去廁所條路鋪了勁多洞溉膠毯,將我高踭鞋踭攝住,我無可能用手掂佢塊膠,好辛苦扯出另一隻又攝到,最後我無去廁所,亦叫唔到人幫,原來穿高踭鞋唔比去廁所,但我心愛嘅鞋鞋踭面d絨布已玩完,都唔知有無得整,如果對鞋渣可能已斷踭....真係黑仔,所以我以後都唔會再去,比多d $去金魚街康年茶餐廳附近間大X食串燒手打烏冬好過...