風車

營業中

休息中

朋友準備要返屋企一段時間，所以今日就約佢出嚟聚下，咁啱我哋都喺大圍做緊嘢，於是就約喺附近搵間高檔少少嘅餐廳傾偈食嘢。行過見到呢間餐廳氛圍又幾好，于是就决定入去食晚餐。因為今日做嘢比較肚饿，所以我哋都點左啲飽肚嘅食物。首先就係點左我最愛既Pizza，同埋我哋見到個龍蝦意粉好似幾吸引咁就打算試下。總體來講上菜比較快，我哋點完餸冇幾耐就有得食。首先呢個魷魚鬚睇落好大份，食落感覺冇咁多粉，係真係魷魚鬚，不过个鱿鱼好有咬口，應該都係比較新鮮嘅魷魚唔係嗰啲死咗嘅魷魚攞嚟炸。個Pizza上面啲大蝦同埋腸仔都好好食，睇得出食材真係好OK，個餅底比較薄，中間軟邊邊脆，好香口，同埋成個Pizza係有濃郁嘅蕃茄味。終於盼到我個龍蝦意粉，首先食咗個龍蝦先，以為隻龍蝦剩係得個身嗰舊肉，點知呢點知個頭裝住嘅係龍蝦鉗嘅肉，呢個好抵呀。搭配龍蝦意粉嘅食材有蘑菇，蘆筍同埋洋蔥，食落好清新，朋友就最钟意食呢几样蔬菜。啲食物總體都比較大份，適合我哋啲大胃王。見到有隔離枱點左啤酒好似好好飲，下次再嚟嘅時候會試下。