岩浪天扶良日本料理 (已搬遷) 新店位置

醋赤貝裙邊貝裙邊彈牙青瓜爽口，配合埋酸酸地醋汁，好醒胃。水雲醋水雲口感黏滑，味道酸酸地，好開胃。魚籽凍豆腐豆腐味好重，配合鮮咸嘅魚籽啱啱好。冰菜蕃茄蕃茄好甜，冰菜口感爽脆多汁。刺身有7款：吞拿魚面珠、剝皮魚、帆立貝、平成魚、赤身、油甘魚及赤貝，款款新鮮。天婦羅：目光魚、海鰻、鮑魚目光魚同海鰻外脆內軟；鮑魚彈牙鮮甜。堅魚壽司堅魚入口軟腍，邊位帶有火炙香味。青魚壽司上面有層薄薄嘅啫喱，入口酸酸甜甜，加埋紫蘇葉，好香好清新。海膽貝柱撈海膽份量好多，入口鮮甜，加埋貝柱好有口感。甜品：蘋果、自家製cheesecake、蜜瓜cheesecake口感軟滑，芝士味道香濃；蜜瓜香甜。