影片
更多
2011-08-02
57 瀏覽
早兩日係我咁大個仔其中一個好重要嘅日子！哈哈......就係小弟向相識三年嘅女朋友求婚！經千挑萬選之下揀左呢間餐廳！之前一早已經上去同佢地個經理夾好晒個rundown,之後懷住非常緊張嘅心情迎接當晚求婚嘅一刻！一去到已經安排左預訂嘅海景窗口位比我，跟住我同女朋友一路談心一邊食生蠔、煙三文魚沙律、鵝肝、龍蝦湯，味道還可，但生蠔略嫌海水味太重有點咸，但都好新鮮。跟住主菜我地點左肉眼、同帶子意粉，兩個都好味，值得一讚！尤其個肉眼勁正！女朋友食得好滿意之際，突然滿佈煙花嘅求婚蛋糕及99支玫瑰在我女朋友面前出現，然後經理比支咪我唱首你的名字我的姓氏，氣氛已經好高脹，其他枱嘅客人十分幫手，一路拍手一路叫嫁比佢，最終我女友感動得流下眼淚，激動的講一句I do！雖然我都有八九成把握，但係我當然係想我地都畢生難忘吖，一生人一次嘛，bay view完全配合到我想要嘅效果，雖然張單都唔算平但.....都值得嘅！最後開左支香檳請晒在場的客人飲，就係喺咁完美的氣氛下完成我嘅人生大事！特別嗚謝當晚所有有份幫手歡呼嘅食客及餐廳之安排！
一去到已經安排左預訂嘅海景窗口位比我，跟住我同女朋友一路談心一邊食生蠔、煙三文魚沙律、鵝肝、龍蝦湯，味道還可，但生蠔略嫌海水味太重有點咸，但都好新鮮。
跟住主菜我地點左肉眼、同帶子意粉，兩個都好味，值得一讚！尤其個肉眼勁正！女朋友食得好滿意之際，突然滿佈煙花嘅求婚蛋糕及99支玫瑰在我女朋友面前出現，然後經理比支咪我唱首你的名字我的姓氏，氣氛已經好高脹，其他枱嘅客人十分幫手，一路拍手一路叫嫁比佢，最終我女友感動得流下眼淚，激動的講一句I do！雖然我都有八九成把握，但係我當然係想我地都畢生難忘吖，一生人一次嘛，bay view完全配合到我想要嘅效果，雖然張單都唔算平但.....都值得嘅！最後開左支香檳請晒在場的客人飲，就係喺咁完美的氣氛下完成我嘅人生大事！特別嗚謝當晚所有有份幫手歡呼嘅食客及餐廳之安排！
張貼
