影片
更多
2013-01-15
345 瀏覽
本人是位澳洲留學生，難得又辛苦過完一年返到香港放暑假第一時間就當然揸車四圍搵d令人懷念嘅小食啦，中茶,煎釀三寶,魚肉,碗仔翅,砵仔糕等，當然仲有至地道嘅車仔麵啦！今日揸車係附近藥房買嘢，咁啱停正係呢間鋪門口，就諗起去讀書之前去過青衣華記食過兩次，超正，見佢個招牌係華記車仔麵（青衣）心諗呢d真係緣份，咁都比我撞正，於是買完嘢之後就入左去坐底食返碗麵回味一下。不過好奇怪呢間店鋪無咩客人，本人初時都唔為意就坐左係卡位，之後店員問我食咩，我就即刻點左個「天使雞翼」，店員話冇，跟住我就轉點「魔鬼雞翼」，點知都無，而且店員既態度仲唔係幾好，只係答我冇，我反問佢仲有d咩招牌菜，佢就叫我自己睇餐牌！（其實係咪應該同客人講一聲唔好意思冇呢樣食物然後再介紹下呢？）。於是我就隨便點左碗牛腩麵，跟住店員都話無只係話牛腩係小食$12一份，呢個時候我真係如莫名其妙，於是我就同店員講睇下餐牌先。我拎起張點心紙剔左個$9伊麵,$6魚蛋,$6咖哩牛栢葉,$6蘿蔔,$12牛腩,$12炸雞翼,$2再加咖哩汁。當我食嘅時候覺得d伊麵淋到唔似伊麵,魚蛋好粉無魚香味,咖哩牛栢䈎切到好幼，份量好小又老火，蘿蔔淋到一夾即斷，仲要好咸
今日揸車係附近藥房買嘢，咁啱停正係呢間鋪門口，就諗起去讀書之前去過青衣華記食過兩次，超正，見佢個招牌係華記車仔麵（青衣）心諗呢d真係緣份，咁都比我撞正，於是買完嘢之後就入左去坐底食返碗麵回味一下。
不過好奇怪呢間店鋪無咩客人，本人初時都唔為意就坐左係卡位，之後店員問我食咩，我就即刻點左個「天使雞翼」，店員話冇，跟住我就轉點「魔鬼雞翼」，點知都無，而且店員既態度仲唔係幾好，只係答我冇，我反問佢仲有d咩招牌菜，佢就叫我自己睇餐牌！（其實係咪應該同客人講一聲唔好意思冇呢樣食物然後再介紹下呢？）。於是我就隨便點左碗牛腩麵，跟住店員都話無只係話牛腩係小食$12一份，呢個時候我真係如莫名其妙，於是我就同店員講睇下餐牌先。我拎起張點心紙剔左個$9伊麵,$6魚蛋,$6咖哩牛栢葉,$6蘿蔔,$12牛腩,$12炸雞翼,$2再加咖哩汁。
當我食嘅時候覺得d伊麵淋到唔似伊麵,魚蛋好粉無魚香味,咖哩牛栢䈎切到好幼，份量好小又老火，蘿蔔淋到一夾即斷，仲要好咸，牛腩份量都尚算ok，可惜老抽味重過栓喉味，最嚴重既係d嘢唔熱個心仲凍嘅，仲有個炸雞翼過份多油（仲有三隻雞中翼連尖）唔夠入味就隨便加鹽係上面，好肯定醃唔入味先至咁做，而個咖哩汁就只係得個差字，完全無咖哩香味。真係覺得好難食嘅一餐，店員對我嘅態度差，湯底就更差，甚麼「大地魚清湯」，唉，真係食唔出，可能廚師唔記得左落「大地魚」吧！又好似加咗好多好多水咁，清啖無味，完全唔似湯底。
題外話/補充資料：
今次去完對呢間鋪嘅（質素,店員態度,食物既價錢）就算半價我都唔會食多一次，如果各位想入去食之前真係要諗清楚！呢間店鋪同青衣個間相比真係差好遠！（無論係食物既質素,款色同店員既親切道都差好遠）唉！！！
(以上食評乃用戶個人意見 , 並不代表OpenRice之觀點。)
張貼