禾牛薈火煱館 (南角道)

營業中

休息中

麻甩之夜就去打邊爐，個餐前小食鴨舌啲汁教得唔係咁好味。好彩佢魚蛋角夠蛋呀有冇腥味。跟住我哋叫咗嗰張紅魚刺身同埋蝦刺身。刺身未到，d頭頭尾尾已經炸咗俾我哋，椒鹽都幾香口又多肉。嗰章紅魚終於到啦，久違嘅鮮味同埋彈牙。不過個生蝦就冇乜特別，反而佢個醬就夠辣勁搶喉。嗌咗個本地手切肥牛，肉質係嫩嘅，但牛味唔算。台山蠔覺得好好食，唔知點解街市嗰啲台山蠔冇火鍋店咁正，最後encore左一碟。另外水餃啲蝦肉都好爆。但蝦丸裏便啲鵝肝，個味就唔係好出。跟住姐姐介紹叫份蜆，我覺得似沙白。但係佢話係澳洲鑽石蜆，都$90一份唔算特別。食完飯有個椰青糕做飯後甜品，清清地講吓火都唔錯。