壹壹漁一 (已結業)

今日黎左帝盛酒店同朋友食個日式lunch～上到2樓就係餐廳喇入面既裝修都好有日系溫暖既感覺，亦有好多日本酒做擺設。Lunch set包左前菜、沙律同湯，黎到酒店食都有個咁抵既價錢，十分超值。不得不提，餐枱上會有張野Cover餐具，係個幾貼心既安排。先上一大盆野，我一度以為呢個餐盆係成個Lunch set，原來只係前菜、沙律同湯，真係好豐富！前菜有汁煮牛肉、冰鎮車厘茄配巨峰提子汁同枝豆。牛肉好淋好入味；而車厘茄亦十分驚喜，好fresh，酸酸甜甜好好味！沙律份量都算多，個粟米濃湯香濃有口感！連前菜都咁講究，主菜當然都好有水準～＃黑松露吞拿魚意粉個意粉既賣相冇得輸，好grand，Ｏ個片蓮藕脆片靚之餘亦好好食。意粉煮得岩岩好，每啖都充滿住黑松露同吞拿魚既味道＃火灸魚生飯擺盆好似個蛋糕咁，上面鋪滿左三文魚、帶子同鰻魚，啖啖都好滋味！經過火燒十分香～個壽司飯亦加入左Ｄ紫菜、芝麻同蝦花蝦乾，好食亦好有口感＃荔枝紅茶＆白桃茶天氣涼涼地，食飽飲返杯熱飲。最後食埋件椰汁大菜糕當甜品。