影片
更多
2012-06-07
126 瀏覽
朋友住青衣，平日收工換一換衫都起碼八點，話想係屋企附近食……Okay，我準時1830收工，1930去到青衣等你地！朋友話不如食屋村大牌檔，下，難得聚下可唔可以食好d先……=_=……佢話佢樓下檔大排檔d野好好食，改革開張兩三個月左右，而且食到傾到夜一夜又無人趕仲有電視睇，我向來只求好食，試試無妨！好，我最早到，當然坐低等啦，點知等到你地幾時！其實附近已經見到肥佬德既宣傳餐牌，選擇的確好多，不過試過先知既……去到熟食檔，有分室內(有冷氣)室外，我唔係好熱得，於走揀左室內，一入到去，oh，有個伙記(傳說中的太子哥？)即時熱情招呼！問我幾位，坐低仲幫我用熱茶洗埋碗碟！搞到我有d唔好意思……天氣開始熱，由新界東去新界西，少不免有d口渴，叫左支藍妹，此時太子哥介紹，不如叫番個炸大腸送啤酒，因為佢地啱啱改良過配方。我見兩位友人都唔知幾時到，搵野食送下酒都好，就聽下太子哥話，炸太腸please！老實講，都無諗住寫食評，屋村野食有咩好講先？本來我都係咁諗架，不過見個炸大腸個擺款咁別緻，都不禁影一影……一口咬落去，嘩！外皮好脆但條內腸又好軟！比起旺角小食檔既炸大腸，簡直有過之而無不及(起碼無染到橙色呀大佬
好，我最早到，當然坐低等啦，點知等到你地幾時！其實附近已經見到肥佬德既宣傳餐牌，選擇的確好多，不過試過先知既……
去到熟食檔，有分室內(有冷氣)室外，我唔係好熱得，於走揀左室內，一入到去，oh，有個伙記(傳說中的太子哥？)即時熱情招呼！問我幾位，坐低仲幫我用熱茶洗埋碗碟！搞到我有d唔好意思……天氣開始熱，由新界東去新界西，少不免有d口渴，叫左支藍妹，此時太子哥介紹，不如叫番個炸大腸送啤酒，因為佢地啱啱改良過配方。我見兩位友人都唔知幾時到，搵野食送下酒都好，就聽下太子哥話，炸太腸please！老實講，都無諗住寫食評，屋村野食有咩好講先？本來我都係咁諗架，不過見個炸大腸個擺款咁別緻，都不禁影一影……
一口咬落去，嘩！外皮好脆但條內腸又好軟！比起旺角小食檔既炸大腸，簡直有過之而無不及(起碼無染到橙色呀大佬)，送酒佳品！而且又好大碟下，食到朋友來都仲食緊~而家仲好回味……好啦，正式點野食，見到poster有黃金蝦，好，即試，然後仲有招牌滷水拼盤、苦瓜倉魚、小炒王同辣酒煮螺。
個黃金蝦，真係好食到我無言，只係$65，足足有十隻中蝦size，大部份有膏，新鮮爽蝦加上個層惹味黃金外皮，我敢講而家酒店級中菜廳都做唔到咁既質素，好食到我連殼都食埋，人多既話一定係encore之作，我手快快食左6成，yeah！滷水拼盤，整體不過不失，值得一讚既係墨魚同豬耳好爽，而且份量好大！
苦瓜一向係男人既favourite，軟硬適中；條倉魚……竟然有煎過！？平時去酒樓食倉魚，蒸完落茨就搞掂，佢竟然有先煎過，好香口！老實講真係好意外，事關多一重功夫喎……仲有，佢有一味煎封倉魚，而我係只叫苦瓜炆倉魚，後來問一問，原來無搞錯，好欣賞肥佬德對食物既要求啊！
小炒王呢，算係不過不失，佢地用左韮菜、蝦乾、銀魚同炒腰果。銀魚炒到好香脆，蝦乾都唔係雪左n日既貨色，韮菜新鮮，但腰果可以再炒乾身點再脆一點。
期間仲叫左五、六支啤酒，間中太子哥同老板都有過來吹下水打招呼。講真五、六十蚊一碟菜，既便宜又有電視有人情味，坐得輕鬆傾得自在，夫復何求？在公共屋村店舖被籠斷、瘋狂加租既情況下，我天邊一條蕉衷心希望呢類有質素、有味道既屋村食肆可以維持落去，come on，點解我食好野就要去中環尖沙咀？我一定會再來！！！張貼
