泰巷 (已結業)

其實之前嚟過食下午茶，幾十蚊食碗粉，印象中係價錢ok味道正路嘅。今晚揀左個二人餐$298，加特飲兩杯$52，炒個菜$18，加埋一埋單$404.8，喺荃灣食一餐飯一人兩舊水絕對唔平架喇。冬蔭功海鮮湯，啲蝦肉勁霉，完全係死蝦咁，魷魚冇味，個湯味道合理嘅，但成兜湯香矛都夾唔到一條出嚟咁你話啲味邊度嚟？心照啦...最正路呢個拼盤，蝦餅春卷即刻炸熱辣辣，唔難食嘅，係油左少少。串燒琴日食完個咁好嘅呢個簡直完全冇得比，但都係嗰句，唔難食嘅。冬蔭功驢魚，先炸完再連埋啲配菜一齊放喺個爐度加湯煮。首先呢個四方形嘅爐唔係幾啱用，擺盤都係有啲問題，啲菜喺條魚下面，煲左一陣啲菜已經吸哂啲湯咸到食唔到，但條魚都仲係乾爭爭，直接啲講完全唔好食。菠蘿炒飯，好耐未食過咁難食嘅菠蘿炒飯👎🏻成個飯都冇味嘅，海鮮又冇味，得啲肉鬆咸咸地，菠蘿都冇幾多粒，極hea😤最滿意係呢個半價$18嘅炒通菜，價錢同味道相符，唔係話佢好食，但俾得$18都唔會再嫌三嫌四。荃灣好食嘅泰菜其實唔少選擇，今日貪就腳又坐得闊啲，就錯哂喇😩😩