影片
更多
2023-05-23
953 瀏覽
同朋友聚會吹水，吹到8點幾先去食飯，行過見到呢間野勁多人排緊隊，就拿拿聲拎張飛，點知呢頭拎完果頭就截龍，冇得再拎飛，好似好受歡迎咁喎......！望清楚個餐牌，原來9點後入座的話，加多$1有多一碟指定既肉（牛胸腹)！睇嚟個個都係為咗呢個優惠喎！到9點鬆少少，終於到我地入座啦！我咩野肉都想試下，所以叫左個燒肉拼盤之盛合180g，一次過滿足晒我對豬牛雞既欲望，再加多一蚊多碟牛肉。但係見到多三十蚊就可以雙倍肉咁抵，就忍唔住改叫咗360g(多一倍)果種了！一嚟到都俾個份量嚇親，估唔到呢個價錢可以食到咁多肉肉！個爐火都幾搶火，火力夠，牛肉類燒一燒就食得～朋友見到我個set有雞，都擔心個雞會唔會燒到好老，點知又滑又有汁，都幾好食！真係難怪會咁多人排晒隊啦，佢地仲要係入晒會拎盡晒優惠嚟食！呢個價錢食到咁多肉肉，真心可以再嚟食！
望清楚個餐牌，原來9點後入座的話，加多$1有多一碟指定既肉（牛胸腹)！睇嚟個個都係為咗呢個優惠喎！
到9點鬆少少，終於到我地入座啦！
我咩野肉都想試下，所以叫左個燒肉拼盤之盛合180g，一次過滿足晒我對豬牛雞既欲望，再加多一蚊多碟牛肉。但係見到多三十蚊就可以雙倍肉咁抵，就忍唔住改叫咗360g(多一倍)果種了！
一嚟到都俾個份量嚇親，估唔到呢個價錢可以食到咁多肉肉！
個爐火都幾搶火，火力夠，牛肉類燒一燒就食得～朋友見到我個set有雞，都擔心個雞會唔會燒到好老，點知又滑又有汁，都幾好食！
真係難怪會咁多人排晒隊啦，佢地仲要係入晒會拎盡晒優惠嚟食！呢個價錢食到咁多肉肉，真心可以再嚟食！
張貼
