影片
更多
2008-07-23
7 瀏覽
不好意思, 今次我要給這間店哭面, 這是我係OR給的第一個哭面呢排食了太多意大利菜, 又因為係某雜誌見到有呢間店的100元優惠卷,所以決定同老公黎呢間店試下.未夠七點來到, 侍應表示室內巳全面訂滿?, 要坐室外, 當時室內得一兩張?有客係度, 不過無所謂, 可以室外露天還有情調, 坐到室外, 發覺好似都幾浪漫咁, 二人被安排坐係太陽遮下, 但坐低無幾耐巳深感不妙, 因為我們巳成為蚊子的晚餐, 但既巳來到, 唯有忍受.一坐低巳問我飲咩, 我話等一陣, 跟住同老公研究食咩, 另一個侍應經過又問我飲咩, 我同樣答佢, 跟住無幾耐又有個走過黎問我飲咩, 但呢次佢企定係度等我答覆, 我諗起有個食家話飲茶都收20元, 所以當佢問我開唔開茶時我就話唔駛, 跟住佢同我講我飲冰水都得, 咁我梗係即刻要冰水啦, 好了, 開始點菜了~有酸辣湯, 因為唔知好唔好味, 所以叫了一碗試下, 同老公一人平分了來飲, 發覺酸辣程度都剛好, 唔錯, 開始對呢間店有期待.跟住來既係上海粗炒, 呢碟野一上枱巳發覺顏色好淺, 一試之下好失望, 真係好失望, 完全唔對話, 好淡味既一碟野, 食落口祇有一陣油味, 其它餸菜應有的
呢排食了太多意大利菜, 又因為係某雜誌見到有呢間店的100元優惠卷,所以決定同老公黎呢間店試下.
未夠七點來到, 侍應表示室內巳全面訂滿?, 要坐室外, 當時室內得一兩張?有客係度, 不過無所謂, 可以室外露天還有情調, 坐到室外, 發覺好似都幾浪漫咁, 二人被安排坐係太陽遮下, 但坐低無幾耐巳深感不妙, 因為我們巳成為蚊子的晚餐, 但既巳來到, 唯有忍受.
一坐低巳問我飲咩, 我話等一陣, 跟住同老公研究食咩, 另一個侍應經過又問我飲咩, 我同樣答佢, 跟住無幾耐又有個走過黎問我飲咩, 但呢次佢企定係度等我答覆, 我諗起有個食家話飲茶都收20元, 所以當佢問我開唔開茶時我就話唔駛, 跟住佢同我講我飲冰水都得, 咁我梗係即刻要冰水啦, 好了, 開始點菜了~
有酸辣湯, 因為唔知好唔好味, 所以叫了一碗試下, 同老公一人平分了來飲, 發覺酸辣程度都剛好, 唔錯, 開始對呢間店有期待.
跟住來既係上海粗炒, 呢碟野一上枱巳發覺顏色好淺, 一試之下好失望, 真係好失望, 完全唔對話, 好淡味既一碟野, 食落口祇有一陣油味, 其它餸菜應有的香味完全無, 我食了一啖巳放下筷子.
第三樣黎的是黑醋排骨, 因為根據之前食家所講呢碟比較入味, 食落口真係幾入味, 但唔知樓上有無發覺自己好似食緊人地生左bb所煲的薑醋呢?
跟住黎既係擔擔面, 食京川菜點可以無呢樣, 呢碗面一拿上枱, 色: 幾對路, 面層有少少紅油但不驚嚇人, 同埋好似都聞到少少香味, 我滿心期待放入口, oh~~點會咁? 是以前食過的擔擔面太好味而令到呢碗面失色了嗎? 總之完全無辣味, 又係好平板的味道~
再來的生煎包, size真係好細, 比我地平時食的小籠包大少少, 真係祇有少少, 以前最穩陣的一樣點心竟然都係咁失敗, 一d都唔香~
跟住的京醬炒肉絲連叉子更加不值一提, 完全唔掂~
唉, 拿拿聲埋單吧, 放落口除了最先的酸辣湯好味外, 無一樣好味, 還要淪為蚊子的點心, 在等候埋單的期間, 先至見個侍應拿了幾根驅蚊香出黎點, 有無搞錯, 同一時間入黎既幾枱都差唔都巳全部食到尾聲先黎點?
以上幾樣野食埋單3xx, 我明明記得唔超過300元的, 點會多左幾十元呢? 於是我check賬單, 發覺佢收了我20元茶錢, 跟住我問個侍應, 我無開茶喎~ 點知個侍應同我講, 就算飲冰水都收20元茶錢既~ 吓~ 即刻~0~晒嘴, 20元茶錢加12元小食, 再加一收費~
唔緊要, 我付錢, 心想好彩有100元雜誌優惠券, 但呢間野我唔會再踏足~
張貼
