冬蔭公公 (已結業)

未入去食之前係俾餐廳出面既宣傳牌吸引住，寫住限定泰式生蝦刺身(消費滿$100加$10)，就係咁就伏左啦。我地兩個人，開頭俾張兩人榙極有問題，就算兩個人一齊禁住張榙都係咁搖，如果有水放上去一定倒瀉，我地都唔明咁搖既榙都俾人坐既？我地要求換榙，D侍應已經好唔likey。緊住轉左張近門口位既俾我地，但張榙後面仲有兩三張榙既，我地坐左，D侍應又入唔到去傳菜 / 斟水，成個擺位都極差，我地都係想快食快走姐，成餐飯都要就住Ｄ侍應同其他客人，已經好受氣，真係想即刻走。我地叫左泰式大蝦炒金邊粉($62) + 炸魚腐冬菇冬蔭公湯檬粉($43) + 泰式生蝦刺身($10)。首先講下個泰式大蝦炒金邊粉，唔預左有賣相，不過兩隻大蝦真係好「大」喎，同埋好唔新鮮，直程係死蝦。呢個金邊粉係得個香味無調味，好淡口，食到咀都「咩」埋炸魚腐冬菇冬蔭公湯檬粉(BB辣)，一上榙又係唔好睇賣相啦，D魚腐真係名符其實既腐肉咁，入口無味，D肉係散既，唔好講話有魚味啦下。冬菇正常，不過一個冬菇切開幾份，唔使咁慳皮牙？目測應該得兩隻冬菇都無。最重要既冬蔭公湯底就真係唔好提啦，同飲油無分別，唔香無味，出前一丁包麻油都好過佢最後買錢貼難受