影片
更多
2023-06-19
464 瀏覽
突然想同老婆飲茶，但紅橋酒樓得返呢間！以往曾經聽過好多街坊講，唔好去青葉飲茶結果真係不聽老人言，吃虧在眼前！坐底叫左茶後，劃埋點心紙！十分鐘左右先上點心！期間茶壺冇哂水，冇侍應黎加水，唯有自己出去加！去到加水位，比侍應話返我轉頭，話唔可以自己加真係厲害 你地唔做野，竟然有資格話我呢d都唔算重點！呢度所謂既點心先係重點....叉燒包，見到個樣就想嘔，拎上手就痴笠笠....好奇怪，點解個麵包皮會咁薄身既...仲薄過腸粉d皮...白裡透紅好肉酸...老婆食左一啖話好淡好難食...結果成籠冇食到蝦餃 其實味道都係一般，但d蝦入面舊舊都有腸，深黑色，好影響我胃口食左一舊又係冇食！灌湯餃 係咪玩野，比個鐵碗我？我記得以前係大碗唔係用鐵... 細碗左都算...唔熱，所謂既湯咸到想死...極度懷疑廚師係咪用雞粉開水...成碗冇食棉花雞 呢個真係厲害，各包住一舊棉花，1舊雞胸肉..完全冇其他材料...人地酒樓都會擺火腿，蟹柳或者芋頭.... 其實酒樓係咪好窮者...食食下，見到個廚師係廚房走出黎客廳望住我地呢枱死喇...我又唔知佢諗乜...最後一碟大佬，成籠冇食既主角就係...黑椒鮮魷..... 其實我
以往曾經聽過好多街坊講，唔好去青葉飲茶
結果真係不聽老人言，吃虧在眼前！
坐底叫左茶後，劃埋點心紙！十分鐘左右先上點心！
期間茶壺冇哂水，冇侍應黎加水，唯有自己出去加！
去到加水位，比侍應話返我轉頭，話唔可以自己加真係厲害 你地唔做野，竟然有資格話我
呢d都唔算重點！呢度所謂既點心先係重點....
叉燒包，見到個樣就想嘔，拎上手就痴笠笠....
好奇怪，點解個麵包皮會咁薄身既...仲薄過腸粉d皮...白裡透紅好肉酸...
老婆食左一啖話好淡好難食...結果成籠冇食到
蝦餃 其實味道都係一般，但d蝦入面舊舊都有腸，深黑色，好影響我胃口食左一舊又係冇食！
灌湯餃 係咪玩野，比個鐵碗我？我記得以前係大碗唔係用鐵... 細碗左都算...唔熱，所謂既湯咸到想死...極度懷疑廚師係咪用雞粉開水...成碗冇食
棉花雞 呢個真係厲害，各包住一舊棉花，1舊雞胸肉..完全冇其他材料...人地酒樓都會擺火腿，蟹柳或者芋頭.... 其實酒樓係咪好窮者...
食食下，見到個廚師係廚房走出黎客廳望住我地呢枱死喇...我又唔知佢諗乜...
最後一碟大佬，成籠冇食既主角就係...
黑椒鮮魷.....
其實我本身唔會食呢d餸...係老婆手多多走去畫...
老婆擺入口食左一啖，成舊吐返出黎！
我問佢咩事...佢話好咸，碟野凍既！
我成碟倒哂出黎...嘩，個底d雞粉多到好似唔洗錢
老婆口渴到飲左幾杯茶先冇事....鬼叫你手多畫左呢個點心咩報應丫
難怪個廚師會係廚房走出黎望住我地...
其實你冇乜資格做廚師，成餐都冇啖好食...
咸水角又係空氣多...
牛肉係唯一滿意既點心...
燒賣完全唔掂，d肉白到咁...又係味精太重
整體黎講，呢餐250蚊就真係好貴...冇樣野好食，連超市買返黎蒸既點心仲好食過佢
賣單時收銀個姐姐好似借左聾耳陳隻耳....問佢拎張單黎睇睇...講左3次先肯比，仲要黑面...結果冇收多，亦都冇收少！
小弟真係未食過咁差既酒樓，呢間都算係屈機
不過唔會再有下次...要我食呢間野我寧願餓死算...
張貼
