影片
更多
2022-12-08
166 瀏覽
放假同男朋友入嚟感受下聖誕氣氛，咁岩見到呢個下午茶幾靚又咁岩有位唔洗等一於入嚟試下，今次個主題係LinaBell。$488兩位用，供應時間3:00-5:30。我地3:30左右入去，一開始職員話要等20分鐘，但我地總共等左45分鐘先黎齊啲野食，等候時間都有少少耐。唔緊要，但熱盤唔熱既，凍的。食物種類都唔少，有成十幾款。我地由最底個層開始食起，最底個層都ok，可以話已經係最好食😅愈高愈難食，佢個包入面係蕃茄牛肉？啲牛比較鞋，不過都可以接受，另外嗰個係鮑魚酥盒，本身佢應該係酥皮，但食落去一啲都唔脆，唔好食，但味道都可以接受。令我印象最深刻嘅係類似雪條個枝野，一擺入口真係想講粗口，個口感勁奇怪，完係唔知係咩黎，食左一啖之後真係即刻放低🥴後尾睇返先知原來係荔枝綠茶棒，但荔枝綠茶？完成食唔出😑佢隔離嗰個粉紅色嗰粒野都經典，又係咬口勁奇怪，好似食緊啲擺到過左期通曬風既包/餅，但原來佢係冬甩😑真係第一次食咁難食嘅冬甩😅巴馬火腿配蘑菇果凍，呢個又係勁新奇既配搭，好難食！熱情果夾心朱古力又係一個傳奇，原來朱古力都可以咁難食。。。一食落去苦既，仲要係有少少燙喉個隻。。。真係即刻想嘔返出黎🤯其他冇特別寫嘅款式
$488兩位用，供應時間3:00-5:30。我地3:30左右入去，一開始職員話要等20分鐘，但我地總共等左45分鐘先黎齊啲野食，等候時間都有少少耐。唔緊要，但熱盤唔熱既，凍的。
食物種類都唔少，有成十幾款。我地由最底個層開始食起，最底個層都ok，可以話已經係最好食😅愈高愈難食，佢個包入面係蕃茄牛肉？啲牛比較鞋，不過都可以接受，另外嗰個係鮑魚酥盒，本身佢應該係酥皮，但食落去一啲都唔脆，唔好食，但味道都可以接受。
令我印象最深刻嘅係類似雪條個枝野，一擺入口真係想講粗口，個口感勁奇怪，完係唔知係咩黎，食左一啖之後真係即刻放低🥴後尾睇返先知原來係荔枝綠茶棒，但荔枝綠茶？完成食唔出😑佢隔離嗰個粉紅色嗰粒野都經典，又係咬口勁奇怪，好似食緊啲擺到過左期通曬風既包/餅，但原來佢係冬甩😑真係第一次食咁難食嘅冬甩😅
巴馬火腿配蘑菇果凍，呢個又係勁新奇既配搭，好難食！
熱情果夾心朱古力又係一個傳奇，原來朱古力都可以咁難食。。。一食落去苦既，仲要係有少少燙喉個隻。。。真係即刻想嘔返出黎🤯
其他冇特別寫嘅款式，大家唔好誤會絕對唔係好食，只係相比之下，佢哋算係正常，叫做可以擺得入口既野😊。
整體黎講，如果有多次機會，真係請我都唔食🤬但無可否認係幾可愛既，職員服務態度都幾好，但食物質素唔該改善一下。完全係挑戰緊食物嘅底線，從來未食過咁難食嘅甜品。
評分：0/10
張貼
