越棧越式湯粉專門店 (荷里活廣場)

營業中

休息中

唔確定越棧係唔係特許經營，每間分店質素十分參次，個人經驗，只有九龍灣店去得過。我係下午茶時段嚟，但係我係叫正價，而唔係叫下午茶。碗嘢嚟到我已經發現好似比錯下午茶份量，但我趕時間，唸住食完先同佢講解返，因為就算佢肯換個碗，我都冇時間等。佢最後係有改返張單，只係如果未嚟過或者唔係成日幫襯嘅客人就要小心啲比佢坤，錢比正價，下午茶份量，真係好唔老實！同埋碗嘢好難食，仲有我坐嘅位對正廚房，我眼見係無一個廚房職員有戴口罩，真係離晒譜！我個人就一定唔會再嚟！