綿綿冰甜品屋 (已結業)

炎熱既天氣..行行下街就去左綿綿冰食番d凍野啦!今次係我第2次食綿綿冰..叫左個朱古力綿綿冰同日式豬扒包朱古力綿綿冰$28 食落去同雪糕一樣味道 如果你當佢係雪糕咁食..$28就唔係好抵如果你當佢係新式甜品..咁就應該抵食d..D配料都幾好食..好爽口..有個唔知咩星星同咩果凍 唔記得左lu雖然個綿綿冰幾好 但係日式豬扒包黎到都幾失望...一黎到就O左嘴因為我未見過用呢隻包黎包住...而且上面有幾滴油..我就用紙巾抹左..可能呢d係日本既特色啦..我唔知 都算了..點知一揭開塊包...完全唔係豬扒黎嫁lo...係煲湯落果d豬肉。仲要都幾細舊.................唔通呢d係日本既豬扒？其實應該叫日式豬肉包算吧!雖然$15真係唔貴..但唔應該咁誤導人。服務冇咩特別..衛生ok啦...勉強合格既環境不錯..可能因為係下就..冇咩人~