Tokyo Secret 味之藝術 (已結業)

行開尖沙咀利時，天氣熱辣辣，見到大大個雪糕牌係前面，一於去食下雪糕降降溫。門口都好多客人買緊，睇下個種類唔多，分左雪糕類同埋飲品類。樣樣都好吸引，餐牌上面有個大大個泡泡好得意，而且佢好似係綠茶雪糕，鐘意綠茶既我就揀左森之樹林。另外就叫左一個寫住期間限定既楓之火焰，試下佢既限定產品。實物賣相真係好得意，上面個泡泡原來係棉花糖黎，而且仲灑左d爆炸糖，食入口既時候爆爆下好特別。食完上層，下面就係抹茶軟雪糕。抹茶味道非常濃郁，食完之後口腔內仲會留有一陣抹茶味。期間限定果然係期間限定。點解咁講，因為店員整好拎出來既時間，上面個半圓形朱古力波不停有少少煙昇起，仲有d泡泡係d法國紅桑子汁爆爆下咁，似足個火山口爆發咁，賣相設計好有心思。雪糕都竟然有煙？原來入面加左小小乾冰係到，店員細心提一提要等煙散曬先好進食，真係窩心。係火山口下面既係榛子雪糕，亦即係平時食既金莎味。火山口話咁快就溶好，將火山口既紅桑子汁溝埋榛子雪糕，味道唔會怪，而且仲有一種酸酸甜甜味道出現。可能係榛子雪糕到加入左北海道牛乳的關係，雪糕非常香滑，又有入口即溶既感覺。楓之火焰－無論係賣相又好，味道又好，絕對比足滿分。