影片
更多
2023-05-04
406 瀏覽
雲中山的廚司發辦轉眼間2023 年又過咗一季，而4月真係勁忙勁busy ，為咗好好咁慰勞辛勞工作既自己，所以約咗朋友食Omakase (其實都係藉口）🤣🤣 朋友話呢間裝修靚，擺盤又精緻，食物又啱我地口味，啱晒我地去，咁我自然無反對啦😂，上到去感覺一點也罷不像傳織統的 Omakase 店，店內裝修用上白色及淺木色為主，環境柔和光亮，給人年輕又優雅的感覺。 餐廳現時推出4款Omakase，分別係: 【山の四季 Omakase】 、【山の御膳Omakase】 、【蟹 Omakase ] 】及 【和牛 Omakase】，符合不同人的喜好，餐廳主要食材都由日本直送，質素有保證！ 我地今次就揀咗山の御膳Omakase 試吓，呢個set 熟食會比較多一點 【山の御膳Omakase】 (HK$1888)🥢前菜 前菜以木盒盛載，很有儀式感，前菜包括炙燒帆立貝、毛蟹、真蠔， 🔺帆立貝厚身鮮甜，加以微微炙燒，增加香味，但內裏還是鮮嫩的，配以海苔一齊食，鮮甜味美； 🔺北海道毛蟹蟹味清甜，配上柚子啫喱，更加清新，加埋蟹膏食更加鮮味； 🔺小長井真蠔，蠔肉厚身，蠔肉清爽🥢蒸物 —蝦夷鮑酒蒸肝醬 蝦夷即北海道古
轉眼間2023 年又過咗一季，而4月真係勁忙勁busy ，為咗好好咁慰勞辛勞工作既自己，所以約咗朋友食Omakase (其實都係藉口）🤣🤣
朋友話呢間裝修靚，擺盤又精緻，食物又啱我地口味，啱晒我地去，咁我自然無反對啦😂，上到去感覺一點也罷不像傳織統的 Omakase 店，店內裝修用上白色及淺木色為主，環境柔和光亮，給人年輕又優雅的感覺。
餐廳現時推出4款Omakase，分別係:
【山の四季 Omakase】 、【山の御膳Omakase】 、【蟹 Omakase ] 】及 【和牛 Omakase】，符合不同人的喜好，餐廳主要食材都由日本直送，質素有保證！
我地今次就揀咗山の御膳Omakase 試吓，呢個set 熟食會比較多一點
【山の御膳Omakase】 (HK$1888)
🥢前菜
前菜以木盒盛載，很有儀式感，前菜包括炙燒帆立貝、毛蟹、真蠔，
🔺帆立貝厚身鮮甜，加以微微炙燒，增加香味，但內裏還是鮮嫩的，配以海苔一齊食，鮮甜味美；
🔺北海道毛蟹蟹味清甜，配上柚子啫喱，更加清新，加埋蟹膏食更加鮮味；
🔺小長井真蠔，蠔肉厚身，蠔肉清爽
🥢蒸物 —蝦夷鮑酒蒸肝醬
蝦夷即北海道古稱，蝦夷鮑以十四代清酒去調味，淡淡清香，食之前店員再以酒噴壺噴上十四代清酒，加強酒香味，做到色香味俱全。蝦夷鮑味道濃郁，肉質富有彈性，配以肝醬，味道富有層次。
🥢雲丹盛
食過蒸物後，再以五款來自日本不同產地的海膽作主菜的開頭，海膽伴以乾冰作伴碟，上菜時仙氣滿滿，色香味中的「色」完全符合，先享受視覺，然後再來「味」，海膽由淡至至濃排列，由岩手、根室、浜中町、宮城、北方四島，口味由淡至濃，由清甜至濃郁，口感由清爽到creamy，一次過試盡5款海膽，非常開心
🥢季節刺身
🔺日本醬油渡蟹
又一個令人嘩嘩聲叫既presentation，日本醬油渡蟹，日本渡蟹比較細隻，肉也沒有松葉蟹多，但蟹膏卻非常飽滿，今次以醬油醃製方式處理，日本的醬油蟹與韓國的不同，更著重蟹的鮮味，沒有韓式那麼濃重的醬油咸鮮味，加入清酒醃製，蟹膏鮮味更出。
🔺北海道帆立貝
帆立貝刺身，配上柚子皮及黑魚籽，帆立貝清爽鮮甜，柚子皮提高清甜味道，加上黑魚籽更顯華貴。
🔺寒鰤魚刺身
寒鰤魚不是鰤魚的品種，是指最適合品嘗的階段，冬春季的鰤魚最為肥美，所以稱為寒鰤。師傅以2種食法去處理寒鰤，分別是煙燻及刺身，給你2種截然不同的味道。煙燻是以七種木去煙燻的，煙燻後鰤魚多了煙燻香味，但魚味相對淡些。另外一件就是全傳統原味刺身，係腩的位置，加上切蔥，腩位魚油豐富，配上蔥蓉，魚的味道再突出，2款處理方法各有特色，我就比較喜歡原味食法，原汁原味
🔺大拖羅
大善拖羅，油脂豐富，師傅先炙燒，然後加上山葵及淡雪鹽，並且配以紫蘇葉，拖羅入口滿滿油香，跟紫蘇葉非常夾，可以解膩又不影響味道，加埋海苔一齊食，增加口感，食完非常滿足
🥢鍋物
北海道雪場蟹龜甲湯配以燒菜卷波菜，龜甲是指盛載的器皿，湯底是利尻昆布及蟹殼煮成，非常的清甜，配肉質鮮甜的雪場蟹非常的搭，所以除咗蟹肉及波菜卷，連湯都飲晒
🥢雪葩
食完鍋物，店員送上雪葩清清味蕾，為下半場的菜式作準備
🥢燒物- 白甘鯛立鱗燒配黑松露汁
師傅將甘鯛先炸後燒，魚鳞炸得香脆之餘，但魚身還是嫩滑的，醬汁是師傅秘制的黑松露醬，香脆又惹味
🥢揚物-
天婦羅日本鱚魚，即沙鮻魚，沾上天婦羅麵衣後炸，囗感酥脆，魚肉嫩滑，外脆內軟。天婦羅日本蕃薯，香甜軟綿，好食。
🥢強肴—A4宫崎牛厚燒
A4宫崎牛油脂比例平均，入口油香豐富，牛味又濃郁，伴以聖護院蕪菁及牛肝菌醬汁，非常的搭，再加埋日本清心蒜一齊食，好味
🥢食事
最期待的食事出場，就係大閘蟹膏拌蟹肉稻亭烏冬，稻亭烏冬上枱時已經舖滿雪場蟹蟹肉，而蟹膏就選用蟹膏濃郁的大閘蟹，食時可以按自己的口味，加上不同年份的意大利黑醋，分別是3年、5年及10年，年期不同，黑醋的甜度及酸度也略有不同，可按自己的口味而配搭，加上黑醋後，蟹膏的鮮甜再提升，好好味！
🥢甜品-大福拿破崙
平時甜品多是時令水果或雪糕，但這裏則以大福配搭拿破崙，大福中間夾有雪糕，大福軟糥，拿破崙鬆脆，中間配上雪糕及忌廉，完美的配搭
後記：今次唔係座吧枱，食物由店員送上，但店員對每一項菜式都非常的了解，仔細為客人講解，而且店員非常的好客，整體感受大大加。另外見到有幾枱客人都是慶祝生日，見師傅臨尾送上壽司蛋糕，足見餐廳及師傅的細心之處，大加分！
張貼
