影片
更多
2019-06-09
188 瀏覽
上個月母親節,當然要同媽媽食返餐好野啦! 知道佢最鐘意食早菜,專登book左間出名又拿過獎既"雲來軒"! 大廚黃阿保師傅,好出名,一去到已經見到有大大張poster,寫住佢既威水事,來頭不少啊,好期待啊果晚雖然唔係母親節正日,但都full booking!我地坐左係旁邊既四人卡位度! 本身想試吓最出名既叉燒,但無奈地果排豬瘟無活食,所以逢係豬類既菜式全部都無!飯前小食,一定要食d香口野 - 金磚豆腐呢個真係堅正! 難得炸到豆腐外脆內軟,方形豆腐粒炸到每一面都香脆,上面有好多孜然粉,好正! 真係有水準!第二樣野,必試"水芙蓉蒸明蝦球"呢度得獎菜式!所謂"水芙蓉"即刻蒸水蛋,但當然無咁普通啦,呢度既水芙蓉好滑,面有層湯羹,上面配埋紅棗蔥花,可以當湯羹飲,真係唔錯,配上大大隻明蝦球,真係唔錯!之後再叫左"生煎金沙龍皇帶子"賣相好靚,睇落去就好似煎鵝肝咁,表面煎到香脆,中間係厚肉既帶子,上面有層酸汁,更加帶出帶子既鮮味,正!食完兩樣海鮮類既野,又點可以唔食返d肉呢?媽媽話叫個牛肉! 好喎...黎d something special! 點左個"雪裡紅燒汁牛柳條"! 原來雪裡紅即係炸過既雪菜喎,
果晚雖然唔係母親節正日,但都full booking!我地坐左係旁邊既四人卡位度! 本身想試吓最出名既叉燒,但無奈地果排豬瘟無活食,所以逢係豬類既菜式全部都無!
飯前小食,一定要食d香口野 - 金磚豆腐
呢個真係堅正! 難得炸到豆腐外脆內軟,方形豆腐粒炸到每一面都香脆,上面有好多孜然粉,好正! 真係有水準!
第二樣野,必試"水芙蓉蒸明蝦球"呢度得獎菜式!
所謂"水芙蓉"即刻蒸水蛋,但當然無咁普通啦,呢度既水芙蓉好滑,面有層湯羹,上面配埋紅棗蔥花,可以當湯羹飲,真係唔錯,配上大大隻明蝦球,真係唔錯!
之後再叫左"生煎金沙龍皇帶子"
賣相好靚,睇落去就好似煎鵝肝咁,表面煎到香脆,中間係厚肉既帶子,上面有層酸汁,更加帶出帶子既鮮味,正!
食完兩樣海鮮類既野,又點可以唔食返d肉呢?媽媽話叫個牛肉! 好喎...黎d something special! 點左個"雪裡紅燒汁牛柳條"!
原來雪裡紅即係炸過既雪菜喎,又幾好聽喎個名,食起上來好脆,幾得意! 至于燒汁牛柳條都炒得好惹味,牛柳條好嫩滑,而且好多添喎,正! 牛肉既嫩配埋雪裡紅既香脆,又係幾特別喎!
至於最後,當然要食返d菜同叫返d主食啦! 媽媽鐘意食菜,所以點左個"香江懷舊雜菜煲"!
真係好足料,除左有不同菜款,好似菜心,西蘭花,甜豆外,仲有媽媽最愛既粉絲同蝦乾,仲有瑤柱絲同花孤,真係好足料,清清地唔錯!
主食呢,就叫左個"鮑魚雞粒炒飯"
雖則款飯係一般菜式,但平凡中見不平凡! 鮑魚粒同雞粒,粒粒都好飽滿,而且個炒飯底好香,完全唔會比d汁整到淋晒,證明師傅好手勢! 而且個飯都幾多下,每人食左兩碗仔都有剩,可以打包,幾好喎!
woo...食飽飽! 媽媽話呢餐母親節飯幾好,幾滿意,又好食! 睇黎下次佢生日都可以黎返呢度慶祝!
張貼
