榮發粉麵專家

營業中

休息中

呢間粉麵店又抵食又好食，兩個人叫到成枱嘢都係$152。牛筋腩麵啲牛腩同牛筋都好入味，而且煮得好淋，而且都有好多舊牛筋腩。鳳城水餃粗麵啲水餃又真係做得幾好，水餃入面嘅餡料好新鮮，特別係個木耳好爽口，個麵冇鹼水味。淨雲吞一碗share食，個湯入面嘅韭黃好香，雲吞入面啲蝦都幾新鮮，同埋隻蝦都算大。忍唔住叫份炸魚皮嚟食下，都幾脆，而且又冇出曬油，跟埋一小碗高湯比你點。油菜就揀咗芥蘭，健康啲走蠔油走油，新鮮美味。