影片
更多
2018-09-02
66 瀏覽
呢間樓上餐廳係喺旺角做嘢嘅朋友介紹嘅，貪佢雲集多國美食，選擇比較多。今日嚟到都仲係六點幾，所以比較少人。夜晚可以約朋友飲嘢，可以比較坐得耐小小。牛油果軟殼蟹米紙卷，米紙薄得嚟煙韌，軟殼蟹足料，都用左半隻蟹，炸得脆身又唔油膩，留有蟹汁。掩埋酸辣汁好開胃不過牛油果略嫌有少少未夠熟炒四季豆，好有鑊氣又唔算太油，作為送飯嘅小菜一流！泰式明爐烏頭魚，稍為對比起上一道菜相對失色。魚雖然叫做大條，但汁唔夠酸辣，可以見到餸菜只係有番茄，瓜，豬肉碎，同埋鮮冬菇。香茅，檸檬葉等等嘅香料就冇啦。最後我哋自己加咗啲魚露，先叫做搵返泰式嘅感覺最後嘅芒果糯米飯 係一個完美嘅結局。用咗超甜芒果，黑糯米軟中有口感。唯獨係用一個凹凸不平嘅碟，個人有少少潔癖，有啲唔太衛生整體來講都係一個選擇好多，菜式不過不失嘅餐廳
夜晚可以約朋友飲嘢，可以比較坐得耐小小。
牛油果軟殼蟹米紙卷，米紙薄得嚟煙韌，軟殼蟹足料，都用左半隻蟹，炸得脆身又唔油膩，留有蟹汁。
掩埋酸辣汁好開胃
不過牛油果略嫌有少少未夠熟
炒四季豆，好有鑊氣又唔算太油，作為送飯嘅小菜一流！
泰式明爐烏頭魚，稍為對比起上一道菜相對失色。魚雖然叫做大條，但汁唔夠酸辣，可以見到餸菜只係有番茄，瓜，豬肉碎，同埋鮮冬菇。香茅，檸檬葉等等嘅香料就冇啦。最後我哋自己加咗啲魚露，先叫做搵返泰式嘅感覺
最後嘅芒果糯米飯 係一個完美嘅結局。用咗超甜芒果，黑糯米軟中有口感。唯獨係用一個凹凸不平嘅碟，個人有少少潔癖，有啲唔太衛生
整體來講都係一個選擇好多，菜式不過不失嘅餐廳
張貼
