名門國宴 (已結業)

本來去隔離間茶樓，但實在人太多，等唔到位唯有黎呢便，只有兩三個人等位，我都知唔對路，諗住近近地算啦。一坐低，室內同室外氣溫竟然相約，坐係茶樓入面都留哂汗。唔知係咪熱，伙計都燥啲，叫執枱，完全無人理，經過個啲叫你等陣，仲反問返你見唔到佢好忙咩，佢幫唔到你咁話，超惡劣態度。十點九坐低，但去到十一點的特價點心紙已經收起，好不榮易先叫到，早茶比午市價錢差好多，無理由要蝕比。葯膳雞腳，勁油，上臺只係半溫，雞腳無味，好在都夠淋，仲入得口。杏仁片炸牛奶，又係唔熱，軟淋淋，牛奶超甜，食都幾好食，多人share食會好D，都幾漏。炒米粉，無乜味，但好大碟。食完坐一陣飲啖茶，見到有個坐輪椅嘅婆婆比D伙計鬧，話佢阻住條路，個伙計勁大聲叫個婆婆行開，佢話佢唔夠位執擡喎。真心覺得呢間茶樓的伙計好惡，拎點心個D又係，D點心掉落擡就走。價錢係好平，但一D都唔好坐，如果唔係無得揀，應該不會再來了。