樂面牛屋 (已結業)

好少出負評post，不過今次食完都幾大感受🤢想同大家分享下我嘅試伏經歷😂 本身諗住食蕃茄仔，但有啲趕時間，所以求其喺對面食左呢間台灣野～ 餐廳裝修好靚，好有懷舊台灣嘅手風味，環境寬敞，我同朋友經過就被吸引住，即刻衝左入去。豆乳鹹酥雞滷肉飯（$62）見到碗滷肉飯都心知不妙，啲滷肉賣相好一般，食落同平時嘅豬肉冇咩分別，完全食唔出有滷過🤭 最慘係個鹹酥雞，雖然炸得幾香口，但外皮實在整得太鹹，而且啲雞嘅雪藏味好明顯🥱連咁重味嘅外皮都遮唔到陣味你可以想像到啲雞係咩味🤐 啲飯煮得太耐，食落好淋身，一啲好感都冇😕 啲配菜味道正常就唔多講啦～招牌清燉牛肉麵（$70）湯底好深色，一開始以為係好濃郁嘅藥材湯底，點知食落好鹹😷 而且一啲牛味都無🥴 啲牛肉份量都幾多下，但係食落好韌，咬得勁辛苦😭 唯一可以讚嘅係啲面都幾有口感👍 但如果牛肉麵湯底唔好牛肉又唔好，個麵底幾好食都無用😕 又貴又唔好食，性價比好低，真係有啲失望，仲要食完之後超級口渴，應該都有唔少味精🙈-⁣樂面牛屋 (銅鑼灣)📍銅鑼灣禮頓道128-132號地舖抵食指數：😚/5 舔舔脷程度：🥴/5