影片
更多
2024-07-09
1469 瀏覽
話說我今日經過沙田火車站，見有啲肚餓，就諗住去杉玉嗰度醫肚。咁杉玉我之前都食過，個感覺係唔使排隊嘅壽司郎，價錢貴少少，嘢食好食少少。總體嚟講都唔錯。佢以前顧客俾意見有優惠嗰時，我都有俾過好評。咁我今次過到去，cashier個店員就叫我坐喺門口嗰張凳度等等，咁我見裏面都仲有唔少空位，諗住好快入得去，就本身諗住唔使坐，但見佢叫到就坐吓先啦咁。如是者我等咗5分鐘。。。再等咗5分鐘。。。見到一對情侶入嚟，佢哋同個店員講要兩位。個店員2分鐘都唔使就帶佢哋埋位。而我就繼續坐喺大門隔離張凳，吹住門口冷氣同外面吹入嚟嘅熱氣，冷熱交織，凄凄慘慘戚戚。我氣上心頭，即刻起身走咗。我一路行返去火車站，一路回想起坐喺度嗰陣時望到嘅壽司，聞到嘅油炸食物嘅香氣，越諗越嬲，所謂條氣頂住個肺，竟然有一股飽肚感。同時正如古語有云，望梅可以止渴，我舌底生津，帶嚟一股淡淡嘅甜意。即係話，我用咗$10嘅車錢，得到咗接近零卡路里，甜甜地，又飽肚嘅回報。又好似幾抵。BTW，我以前食過，佢午市個限量套餐，$100鬆啲係幾好食嘅，有丼飯有刺身。我今次食唔到，相信都冇下次圖為上次食嘅限量套餐
咁杉玉我之前都食過，個感覺係唔使排隊嘅壽司郎，價錢貴少少，嘢食好食少少。總體嚟講都唔錯。佢以前顧客俾意見有優惠嗰時，我都有俾過好評。
咁我今次過到去，cashier個店員就叫我坐喺門口嗰張凳度等等，咁我見裏面都仲有唔少空位，諗住好快入得去，就本身諗住唔使坐，但見佢叫到就坐吓先啦咁。如是者
我等咗5分鐘。。。
再等咗5分鐘。。。
見到一對情侶入嚟，佢哋同個店員講要兩位。
個店員2分鐘都唔使就帶佢哋埋位。
而我就繼續坐喺大門隔離張凳，吹住門口冷氣同外面吹入嚟嘅熱氣，冷熱交織，凄凄慘慘戚戚。
我氣上心頭，即刻起身走咗。
我一路行返去火車站，一路回想起坐喺度嗰陣時望到嘅壽司，聞到嘅油炸食物嘅香氣，越諗越嬲，所謂條氣頂住個肺，竟然有一股飽肚感。同時正如古語有云，望梅可以止渴，我舌底生津，帶嚟一股淡淡嘅甜意。
即係話，我用咗$10嘅車錢，得到咗接近零卡路里，甜甜地，又飽肚嘅回報。又好似幾抵。
BTW，我以前食過，佢午市個限量套餐，$100鬆啲係幾好食嘅，有丼飯有刺身。我今次食唔到，相信都冇下次
圖為上次食嘅限量套餐
張貼
