影片
更多
2010-07-23
1 瀏覽
師傅同好友食家"乜都放入窿"食完卡巴, 師傅就已經飽到顛, 但好友食家"乜都放入窿"看上去又好似唔飽, 叫佢食野佢又好似食唔落咁, 都幾難估; 不過師傅同得好友食家"乜都放入窿"飯局, 真係好少淨係去一個地方, 所以離開食店後, 決定行一陣消化下, 然後再轉戰甜品店!甜品向來都唔係師傅強項, 而喺老尖又冇松記或石磨坊之類嘅甜品店, 於是唯有同好友食家"乜都放入窿"邊行邊搵, 而師傅知道近寶勒巷附近有幾間新開甜品店就決定同好友食家"乜都放入窿"來睇下, 最後二選一, 好友食家"乜都放入窿"就揀左呢間食店!其實未入食店前好友食家"乜都放入窿"已經喺門口睇左一陣, 入到食店師傅覺得環境都幾細, 細都正常, 甜品店係唔需要太大間嘅鋪面, 可幸食店細得黎都坐得唔逼挾; 坐底後睇下有咩吸引先, 坦白講好想食嘅就唔覺有, 而師傅真係好鬼熱, 所以當下最懷念的只有石磨坊的冰柱! 諗左一陣師傅揀左楊枝金露, 而好友食家"乜都放入窿"就柯打左雪糕黑白涼粉!等左一陣楊枝金露率先登場, 而好友食家"乜都放入窿"嘅雪糕黑白涼粉亦隨後登場, 不過當雪糕黑白涼粉放低後, 好友食家"乜都放入窿"就覺得唔對辦, 原來係
甜品向來都唔係師傅強項, 而喺老尖又冇松記或石磨坊之類嘅甜品店, 於是唯有同好友食家"乜都放入窿"邊行邊搵, 而師傅知道近寶勒巷附近有幾間新開甜品店就決定同好友食家"乜都放入窿"來睇下, 最後二選一, 好友食家"乜都放入窿"就揀左呢間食店!
其實未入食店前好友食家"乜都放入窿"已經喺門口睇左一陣, 入到食店師傅覺得環境都幾細, 細都正常, 甜品店係唔需要太大間嘅鋪面, 可幸食店細得黎都坐得唔逼挾; 坐底後睇下有咩吸引先, 坦白講好想食嘅就唔覺有, 而師傅真係好鬼熱, 所以當下最懷念的只有石磨坊的冰柱! 諗左一陣師傅揀左楊枝金露, 而好友食家"乜都放入窿"就柯打左雪糕黑白涼粉!
等左一陣楊枝金露率先登場, 而好友食家"乜都放入窿"嘅雪糕黑白涼粉亦隨後登場, 不過當雪糕黑白涼粉放低後, 好友食家"乜都放入窿"就覺得唔對辦, 原來係冇左雪糕, 再同伙計反映, 伙計好友善地加番個雪糕球! 先講下楊枝金露, 楊枝金露入口味道不算太甜, 但內裡嘅杧果就好甜好香, 而面頭嘅沙田柚就幾酸, 酸得黎又唔澀, 如果淨係食沙田柚恐怕都幾難食, 但配埋糖水味道啱啱好, 酸中帶甜仲夠清, 整體尚算不錯! 至於雪糕黑白涼粉師傅有幸食左少少, 發覺味道不太差, 但看來亦冇咩驚喜, 師傅覺得水準一般啦!
總括黎講甜品水準合格, 環境雖然細小, 但唔逼挾, 而服務態度友善, 價錢都接受到, 埋單五十三, 老尖黎講唔算貴! 值得一提係呢間食店嘅樓面伙計應該係八十後或九十後嘅妹妹仔, 入到食店都會感受到唔少青春氣息, 靚唔靚就見仁見智啦; 如果食飽飯又真係冇咩做, 入黎食碗糖水都算係一件賞心樂事! 笑臉可以一比, 皆因服務態度唔錯, 有機會都會再黎, 順便感受下青春……真可愛青春!
張貼
