影片
更多
2007-08-23
18 瀏覽
第一次來這裡, 沒有訂位, 結果當然係無位, 係等都無得等個隻, 人實在勁多, 加上地方不太大, 星期六午市光顧都係訂定位為上.文迪同二妹以為有好野執, 上星期六要過銅鑼灣, 小弟馬上訂位, 一點已全滿, 好彩我們要兩點幾先到, 一拍即合.這裡環境有點逼, 我們三個坐係吧臺, 入坐都有一定難度. 這裡的天婦羅午餐有好幾樣, 一場來到, 當然剩食天婦羅, 二揀一, 普通天扶良御膳$120有8件天婦羅, 自己無得選擇, 由大廚幫你揀. Omoikkiri 天扶良御膳$250有16件天婦羅, 自己係24樣食物中揀, 食物的選擇如下:海老(海蝦), 海老真丈(海蝦真丈), 車子(瀨尿蝦), 蟹爪(蟹腳), 茶巾(海膽), 鮑(鮑魚), 左口魚, 穴子(海鰻), 沙追魚, 牛秋, 小柱磯邊(瑤柱紫菜), 帆立卷(帶子紫蘇卷), 魷魚明太子, 沙甸魚紫蘇葉, 池魚, 烏貝, 庵春蛋, 栗(栗子), 日本茄子(矮瓜), 南瓜, 番薯, 露荀, 銀杏(白果), 惟茸(冬菇)每款食物最多叫兩件. 拉上補下嘛.當然係主力叫海鮮, 相對晚市要四五十元一樣, 這個御膳係相當抵食. 或許食物沒有晚市般新鮮, 但
文迪同二妹以為有好野執, 上星期六要過銅鑼灣, 小弟馬上訂位, 一點已全滿, 好彩我們要兩點幾先到, 一拍即合.
這裡環境有點逼, 我們三個坐係吧臺, 入坐都有一定難度. 這裡的天婦羅午餐有好幾樣, 一場來到, 當然剩食天婦羅, 二揀一, 普通天扶良御膳$120有8件天婦羅, 自己無得選擇, 由大廚幫你揀. Omoikkiri 天扶良御膳$250有16件天婦羅, 自己係24樣食物中揀, 食物的選擇如下:
海老(海蝦), 海老真丈(海蝦真丈), 車子(瀨尿蝦), 蟹爪(蟹腳), 茶巾(海膽), 鮑(鮑魚), 左口魚, 穴子(海鰻), 沙追魚, 牛秋, 小柱磯邊(瑤柱紫菜), 帆立卷(帶子紫蘇卷), 魷魚明太子, 沙甸魚紫蘇葉, 池魚, 烏貝, 庵春蛋, 栗(栗子), 日本茄子(矮瓜), 南瓜, 番薯, 露荀, 銀杏(白果), 惟茸(冬菇)
每款食物最多叫兩件. 拉上補下嘛.
當然係主力叫海鮮, 相對晚市要四五十元一樣, 這個御膳係相當抵食. 或許食物沒有晚市般新鮮, 但係已經收貨有餘. 要了一個天扶良御膳, 另外兩客就叫樓上的壽司了.
這裡的服務以日式店子來說係麻麻, 小弟先來, 當然奉上熱茶毛巾, 但係後來的文迪等了好久都無人理會, 要叫先有熱茶毛巾, 另外都無乜加茶, 落單時態度一般, 這服務很少係正宗日店遇見.
Omoikkiri 天扶良御膳$250: 9分, 為青蛙留影後, 先來的係樓上的食物. 天婦羅就等得比較耐, 要差不多二十分鐘先有得食. 師傅將食物放係我們面前, 每一樣都會介紹一下, 起碼得個知字, 態度比一眾侍應優勝不少.
要了海老x 2, 海老真丈, 車子, 蟹爪x 2, 茶巾x 2, 鮑x 2, 左口魚, 穴子, 帆立卷, 池魚, 烏貝, 番薯.
這裡的天婦羅炸得不太油, 相當乾, 無乜油跡, 起碼唔覺一大灘油食落肚. 食落口完全熱辣辣的, 點上綠茶鹽, 係相當香口.
先來的海老係幾新鮮, 大大隻. 車子反而口感一般, 好像椒鹽或者清蒸都會好一點, 定係我們吃的那一件唔夠新鮮. 蟹爪其實比較尷尬, 又唔係蟹鉗, 其實無乜粉係留係隻蟹爪上面, 不過入面的蟹肉都好鮮甜. 茶巾有點像東寶的炸榴槤, 炸榴槤係用綠茶皮包著榴槤去炸, 茶巾係用紫菜包著海膽去炸. 炸過的海膽仍舊鮮甜, 不過都係無乜粉留係紫菜上面.
鮑同穴子都幾好, 炸皮入面的鮑魚同海鰻都保持鮮味. 幾樣魚都做得好出色, 不會太腥, 烏貝就一般, 幾難咬開, 火候差了點. 簡簡單單的番薯幾甜, 也不錯.
餐後有西瓜降降火, 再內一杯香濃的熱咖啡, 圓滿結束.
整體來講, 食物係好高水準, 午市來這裡係幾抵食, 加上兩邊通, 一家店兩種專業推介, 我們應該會再來的.
張貼
