影片
更多
2017-08-18
806 瀏覽
以前就話天氣凍就打邊爐、食雞煲，而家邊有呢樣野，熱一熱都可以打邊邊，最近我都經常食火鍋，而且試左幾間都係新式、兼有麻辣鍋湯底嘅火鍋店呢，幾間質素都唔錯。尖沙咀厚福街一向都多野食，呢棟H8有幾間餐廳都未試過，是日收工就黎到16樓嘅胡爐，餐廳位置唔大，幸好一早預訂左位置，見到呢度嘅裝潢，古色古香、懷舊擺設、木色屏風等都令我諗起最近試過嘅另一家走宮廷風格嘅火鍋店，呢度嘅枱櫈就較密麻，不過座位間空間感足，可惜當日坐嘅位置有少少滴水情況，有礙進食。餐牌選擇豐富，價錢中上，湯底都有超過15款，靚料嘅有龍蝦海鮮鍋($368)、花膠雞翅鍋、花膠雪耳大眼雞；另外有而家好熱門嘅多格湯底、九宮格湯底($168)；價格最低嘅有三款：潮汕沙嗲鍋、雜菜清湯鍋、芫茜皮蛋鍋，定價$98。醬料每位$22，需要嘅都有，不過由於湯底都幾濃郁，我都冇乜點沾過。店員推介呢個紅白湯底，一邊紅彤彤嘅就係四川麻辣湯底，另一邊係牛乳花膠木瓜湯底。店員提示我地可以等湯滾起先飲牛乳湯底，飲落就比想像中清淡啲，裡面有唔少花膠，都幾滋補，木瓜食落清甜，食唔到辣嘅朋友就可以用呢邊湯底；至於四川麻辣鍋底，裡面有豬皮、豬紅、腐竹等配料呢，非常入味，
餐牌選擇豐富，價錢中上，湯底都有超過15款，靚料嘅有龍蝦海鮮鍋($368)、花膠雞翅鍋、花膠雪耳大眼雞；另外有而家好熱門嘅多格湯底、九宮格湯底($168)；價格最低嘅有三款：潮汕沙嗲鍋、雜菜清湯鍋、芫茜皮蛋鍋，定價$98。醬料每位$22，需要嘅都有，不過由於湯底都幾濃郁，我都冇乜點沾過。
店員推介呢個紅白湯底，一邊紅彤彤嘅就係四川麻辣湯底，另一邊係牛乳花膠木瓜湯底。店員提示我地可以等湯滾起先飲牛乳湯底，飲落就比想像中清淡啲，裡面有唔少花膠，都幾滋補，木瓜食落清甜，食唔到辣嘅朋友就可以用呢邊湯底；至於四川麻辣鍋底，裡面有豬皮、豬紅、腐竹等配料呢，非常入味，湯底辣而不麻，加多少少麻味會香啲。重點係keep住加湯底都唔會變到好鹹，味精感唔重
紅白湯底
32 瀏覽
0 讚好
0 留言
牛乳花膠木瓜湯底
12 瀏覽
0 讚好
0 留言
配料方面有刺身、肉類、丸類、滑類、餃類、海鮮、小食、蔬菜等一般火鍋配料，定價中上。
牛肉選擇都幾多，有牛肉刺身、手切牛、牛柳粒等，一行四人，就點左個拼盤。
胡爐牛拼盤 $488/大
拼盤有牛舌芯、極上手切肥牛、日本和牛、牛柳粒，賣相吸引。和牛切成長長地一片，食落都幾腍身，牛味未算好濃；牛柳粒質素唔錯，淥一淥好快熟又保持juicy，份量較少；手切牛都唔差，雖然片得比較碎，不過食落都幾嫩腍；牛舌厚身，食落都唔韌
胡爐牛拼盤
$488
18 瀏覽
0 讚好
0 留言
胡爐牛拼盤
$488
21 瀏覽
1 讚好
0 留言
黃金墨魚丸 $98
一碟8粒，面頭鋪有蟹籽，size就唔算好大粒，食落較硬身，裡面嘅蛋黃份量唔多，中規中矩
黃金墨魚丸
$98
20 瀏覽
0 讚好
0 留言
手打蝦滑 $98
蝦滑爽口，都幾新鮮，只係性價比唔高。
手打蝦滑
$98
13 瀏覽
0 讚好
0 留言
牛汁芝士丸 $88
一碟8粒，頗有驚喜牛丸本身掏空，薄薄地，所以裡面藏嘅芝士好澎湃，一咬就咇哂出黎，記得小心熱啊
牛汁芝士丸
$88
19 瀏覽
0 讚好
0 留言
鮮蝦帶子水餃 $108
除左鮮蝦帶子餃，仲有黑松露蟹肉餃，定價都幾高，選擇前者，不過性價比略低。水餃size唔大粒，口感一般鮮蝦餡唔係太突出，帶子更加係非常細粒，食左都唔係好覺…以呢個價位，可能會期待多少少。
鮮蝦帶子水餃
$98
13 瀏覽
0 讚好
0 留言
自家製炸響鈴 $68
響鈴好食呀，即叫即炸起，就咁食都得，酥脆十足
自家製炸響鈴
$68
10 瀏覽
0 讚好
0 留言
皇帝菜 $48
蔬菜選擇多，萵筍、油麥菜、菠菜、娃娃菜、生菜、莧菜、皇帝菜、雲耳、鮮淮山、涼瓜、勝瓜、什菌等，定價$38/48。份量頗多，而且新鮮。
皇帝菜
$48
20 瀏覽
0 讚好
0 留言
豆腐 $38
打邊爐我好多時都點豆腐架，特別點左麻辣湯底，豆腐又滑又入味。
豆腐
$38
24 瀏覽
0 讚好
0 留言
啤酒 $32、菊花蜜 $68
菊花蜜
$68
19 瀏覽
0 讚好
0 留言
椰汁糕 (送的)
店員見我地食到差唔多就送上椰汁糕，又幾好食喎夠香甜。
椰汁糕
24 瀏覽
0 讚好
0 留言
整體黎講，胡爐走貴價路線，人均三百至四百，用料都ok，環境方面雖然唔係好豪華好大，但都坐得舒舒服服，冷氣夠大，食完亦都冇一陣味。店員服務不俗，細心有禮，主動加湯、收碟等，偶然豪一次還好呢。
餐牌：
張貼
