影片
更多
2018-08-25
236 瀏覽
海港城六公館有270度維港景睇，室內外都好正，餐廳設計時尚帶點古韻懷舊味道，好靚，一開始係有d落雨濛濛，之後可以。主打食新舊crossover既中菜。黃金蕎麥茶麥味重，鐘意飲玄米茶既朋友應該鐘意！黃金蕎麥茶 茶位$28一個人頭，枱面有真蘭花好有心思同氣派！杏汁花膠川貝菜膽燉白肺$128杏汁超重，川貝既甘又唔太覺。可能因為仲有菜膽同白肺，所以會有d甜度出現。咁成個湯味道會比較溫和，同有花膠之下有膠膠咁，岩女士，養顏呀！椰子咸桔燉鮮鮑魚 $138而男士可能比較喜歡依個啦！咸少少，陳皮味重，唔好預咸桔好多味，反而椰子味道令成個感覺濃香d，帶領鮑魚提鮮呀！瑤柱發到好大下，燉都嫩嫩地，鮑魚雖少但夠味道！鴛鴦蝦球 $298依個不得了，嚴重懷疑係虎蝦啦！大家無講笑，女士要3啖先食哂一隻！係勁勁勁厚肉，未到爆juicy，但係肉既厚度令整體感覺好滿足！有人話似芥末黃味？沙律醬？芒果味？各人有不同講法！叫嚟食下咪知，嘻，包你話好味呀！另一種咸蛋黃牛油味！我更喜歡依個，但就油少少，傳統d！酥炸香蝦醬骨 $188呵呵，我由一開始話唔想叫依個怕咸，到之後我一個人食左兩件！伍咸就唔咸，但就因為係骨，實有肥油香香。
海港城六公館有270度維港景睇，室內外都好正，餐廳設計時尚帶點古韻懷舊味道，好靚，一開始係有d落雨濛濛，之後可以。主打食新舊crossover既中菜。黃金蕎麥茶麥味重，鐘意飲玄米茶既朋友應該鐘意！黃金蕎麥茶 茶位$28一個人頭，枱面有真蘭花好有心思同氣派！
杏汁花膠川貝菜膽燉白肺$128杏汁超重，川貝既甘又唔太覺。可能因為仲有菜膽同白肺，所以會有d甜度出現。咁成個湯味道會比較溫和，同有花膠之下有膠膠咁，岩女士，養顏呀！
椰子咸桔燉鮮鮑魚 $138
而男士可能比較喜歡依個啦！咸少少，陳皮味重，唔好預咸桔好多味，反而椰子味道令成個感覺濃香d，帶領鮑魚提鮮呀！瑤柱發到好大下，燉都嫩嫩地，鮑魚雖少但夠味道！
鴛鴦蝦球 $298依個不得了，嚴重懷疑係虎蝦啦！大家無講笑，女士要3啖先食哂一隻！係勁勁勁厚肉，未到爆juicy，但係肉既厚度令整體感覺好滿足！有人話似芥末黃味？沙律醬？芒果味？各人有不同講法！叫嚟食下咪知，嘻，包你話好味呀！
另一種咸蛋黃牛油味！我更喜歡依個，但就油少少，傳統d！
酥炸香蝦醬骨 $188呵呵，我由一開始話唔想叫依個怕咸，到之後我一個人食左兩件！伍咸就唔咸，但就因為係骨，實有肥油香香。好厚一層肥肉，一層肉，一層肉連骨咁！食得肥肉係爆juicy，外炸炸皮，肉暖暖肥油汁。加白飯一流，哈哈哈！
龍井熏太雞 半隻 $288上枱個下，店員會加龍井落去，保持龍井”新鮮”入餸！半隻雞夠4人食，味道係豉油雞上加熏香味。無平時食熏魚個隻咁濃同甜，反而係似茶熏而成，淡香而吸左入雞件中。雞比較瘦，可能方便入味，因為d骨位多既雞件比較入味，例如雞翼比雞腿入味。
芹香白合炒野木耳 $138依個係比較傳統，特別在加入了馬蹄，爽口d，之後蓮藕都切得比較細同爽身。依個清d，有助消化上面既靚食物！
松茸羊肚菌海膽燴飯 $288依個勁西餐，帶老人家嚟食就可以成機比佢地試下西餐野，偽裝！海膽係處理得好好對於中餐廳嚟講，無腥無臭，係新鮮帶甘甜！松茸羊肚菌唔算多，所以唔夠西餐個d濃香似食肉咁。濕濕潤潤既飯都易入口，可以一試！
杏汁木瓜燉雪蓮子 $148一隻木瓜，超美肌！入面仲要係滿滿杏汁混雪蓮子，如果日日食，皮膚一定超級好！雪蓮子燉得好軟，咬落有少少似清心丸既口感。
川貝陳皮燉雪梨 $128整個雪梨都好吸陳皮味，有少少陳皮甘味絲食到。叫個時仲怕太甘會比較難入口，但ok！之後川貝應該加在冰糖整成汁，清甜食哂順喉！
茉莉味意式奶凍 $148一層茉莉，超級濃香花味，正爆！奶凍好多，好有台型出場，仙氣地(乾冰)現場！
流沙球配冰淇淋 $128流沙球好正，好流心！3粒都暖熱，爆汁流心！完全流沙，口感係外糯米內流沙喔！將流沙球下既原粒芝麻加入雪糕，正，滿滿芝麻香味！
小鳯姐 cocktail $148勁爆氣pineapple形！環保鐵飲管，好有台形！有1/3隻百香果，果酸味比較多！
仙氣 cocktail $148
好似飲latte，有菊花淡淡地味、有d似接木花味道咁，係3款之中最易入口！
泰醉拳 $138
泰style，有小紅辣椒同香茅，乜料？欠打呀？先清後現辣、香茅味，鐘意冬陰公既人會鐘意，有半成似既感覺！
環境真係幾enjoy，一改平時傳統中餐廳既感覺，三五知己嚟岩哂啦。
張貼
