MAMTOM

二人行街睇燈飾，嚟到尖東海旁，突然發現一間靚景酒吧，餐廳入面裝修得好華麗，詳上面係一個個木抽屜，一邊長有幾個圓形嘅鏡，好似潛水艇船艙入邊嘅窗口，柱上面係包圍着皮帶。睇睇餐牌，覺得好特別，餐廳竟然係食泰國菜。餐廳在座位十分舒適，一坐低就叫咗一份小食，小食包含咗泰式米紙、生菜、青瓜、酸蘿蔔絲、菠蘿、米粉、炸蒜蓉及花生等等，自己DIY動手去包，配菜味道非常清新，好特別。接着係「馬拉盞炒通菜」，味道香濃，而且偏辣，通菜非常新鮮，而且爽口。主菜「煎牛柳」，五成熟牛柳肉質鮮嫩，新鮮又好味。食泰國菜，一定要食湯河粉，好鍾意泰式湯底嘅味道，今次叫咗美味「泰式牛骨髓牛肉河粉」，原條牛骨筒放在湯碗內，入面好多牛骨髓，保證真材實料，味道非常香濃。除此之外，叫咗兩杯特飲，一杯有酒精，另一杯係「芒果特飲」，味道特別又解渴。最後係甜品「榴槤椰子雪糕」，味道香濃又清新，食完之後成個口都充滿榴槤味。整體食物質素高，價格合理，環境舒適，非常推介。