望月軒

營業中

休息中

Lunch去咗上環飲茶，係阿媽話去呢間酒樓嘅，佢話之前同佢D朋友去過，覺得味道都幾好，價錢又ok，所以諗住再同我哋去食點心。酒樓喺商場入面，都唔算太難搵，只係去上環有D遠。入面唔算好大，不過有海景，相信都係其中一個亮點。好彩唔多人，都有空枱可以即刻入座。流沙包係豬嘅造型，內裡嘅餡做得幾好，真係好流，唔小心食真係會滴咗落身。鳳爪我無食，不過阿媽話煮得好腍亦到好入味。蝦餃大大隻，外皮晶瑩，入面嘅蝦肉都爽口，配少少辣椒油最好食。咸水角煙韌；炸蝦多士好香脆，炸物都唔錯。如果有機會都想去食晚餐，試下川菜味道如何。