舍 (已結業)

話說今日要去中環找個同事處理埋d公司。。過左食飯時間打算找間快餐食完就算。點知同事熱情地介紹我話要同我食餐飯，咁我緊係了解下香港島嘅同事食開咩多喇。。行入左ifc 連卡佛入面我以為佢帶我食high tea,但明明我真係午餐都未食。。原來穿過ifc有間中餐廳。我同事應該係熟客，一坐低就已經諗好食咩。我哋叫左個2人嘅商業套餐。首先來個粟米湯先。。唔會好杰身，仲有d海鮮的肉絲。。點綴不少。然後係咕嚕肉。。肉質唔肥又唔老，重要係無骨的。。細細粒。一口肉咁之後有個辣蝦球，大大隻蝦，中意食辣又可夾埋辣椒食，唔中意嘅。。齋食蝦球又入味又有口感。再嚟一個雜菌上湯的菜苗，味道清淡返，解一解剛剛個辣蝦。。然後就係雜菌炒伊麵，伊麵有點偏甜。配雜菌呢d唔算濃味又有口感嘅組合的確唔錯。最後用紫米露用甜品。。2人食都真係會飽，唔好睇佢好似好少咁。。食食下都好足夠，仲要望住個靚景食。