壹壹漁一 (已結業)

朋友係大角咀呢邊上堂，放左學去左酒店打邊爐，朋友話見到壹壹漁一做緊二人同行一人半價優惠，就book位黎試下。湯底揀左壽喜燒，個人覺得甜豉油同牛肉特別夾，好鍾意呢款湯底。醬料有至愛的麻醬，正呀。飲品方面有各式汽水，加錢仲有啤酒放題㗎。肉方面要了頂級肩胛肥牛餐，算是第二級的牛，牛味挺濃，而且半肥瘦很不錯。呢個餐仲有精選豚肉，豬肉都好味，入口很滑呢。另外就係特級牛舌心，很有咬口都幾正。自助bar有各蔬菜等，粟米很甜啊。encore多啲菜先，秋葵正呀。哈哈，自製個一品窩先，啲牛肉好滑，淥一淥就食得。再試埋低一級的精選牛胸腹肉先，呢款較肥無咁重牛味，都ok嘅，但就梗係肩胛肥牛正啲啦。第二round的肉keep到水準㗎，都好靚。食飽飽就梗係食埋雪糕啦，焦糖脆脆好正呀～最後飲番杯熱玄米茶去下膩，完美一餐。