真鮨 (已結業)

今日去左尖沙咀食日本野， 之前朋友話呢間都幾好食就試下。係金巴利道， 都幾易揾。門口有啲日式門， 幾特別。今日我地兩個人就揀左坐吧枱， 放好好多sake。 啲sake 款式都好多， 仲有唔同size 間鋪頭有兩層， 底個層有個Tatami 包箱， 好岩多人一齊坐， 夠私隱。首先叫左個刺身拼盤, 一共六款， 廚師發辦。 塊塊都好厚。 都好新鮮，幾好味。叫左幾款唔同軍艦， 個海膽超多，好鮮， 有海水味， 塊紫菜放入口時仲好脆， 正。鹽燒三文魚鰭， 好香好脆， 啲肉都好滑。 送酒一流， 好有衝動叫多碟。清酒煮蜆既朋友， 清酒煮貴妃蚌好少係日本餐廳食到貴妃蚌， 通常都係花甲或者蜆。 味道都幾好， 一碟得兩隻。跟住叫左啲串燒，個豆腐好厚， 厚到好似臭豆腐咁，有少少甜，味道幾好。雞腎都幾好味， 燒得幾好。豚肉都好淋同啲油份岩岩好， 燒得好香。豚肉露筍串都好味， 啲露筍唔會好老。