匠心廚房 (已結業)

之前朋友都推薦過呢間中菜館，就喺 iSQUARE 對面的大廈，搭𨋢上一樓。一入到去就見到裝修好別緻典雅，服務同環境都係走高級粵菜路線。🌟翡翠花雕蒸蝦球整個菜式嘅呈現好大氣！呢個係招牌菜，係蒸蛋、花雕酒同蝦仁的組合。蒸蛋的表面非常光滑，平整～雖然好似是簡單的蒸蛋，不過蒸蛋加了花雕酒的香甜味和酒香味，再加咗蝦仁，更突顯了海鮮的鮮味。值得一讚嘅係花雕酒的份量剛好，醇厚甘香👍整個組合好匹配蝦仁好爽口彈牙，我估應該事先有用花雕酒去醃製蝦仁，所以蝦仁中的花雕酒都好入味！蒸蛋滑嘟嘟，突顯大廚的功夫，平凡中突顯不平凡的菜式，值得一試！🌟推薦大家必試薑蔥生蠔煲個人覺得薑蔥配搭生蠔最有風味，生蠔的肉質肥美多汁！而且生蠔處理得好好，唔會有任何腥味，好明顯係來貨新鮮👍值得一讚！！👍🌟酥炸美國生蠔啲生蠔好大隻多肉～我估應該係美國珍寶筒蠔！炸蠔表面見到有七味粉，應該還有少許胡椒粉，調味配合得好好👍生蠔炸得外表金黃色，炸粉配合得非常完美～薄薄的一層炸粉，一食落去就有卜卜脆嘅聲，外脆內軟！🌟脆皮牛坑腩呢個都係招牌菜！感受到餐廳用心挑選牛肉嘅部位，牛坑腩即係牛肋條，係牛腩之中牛味最濃郁嘅部位！肥瘦適中，腍中帶爽！👍👍