影片
更多
2021-09-11
95 瀏覽
寶琳地鐵站上邊嘅新都城有好多食肆，今晚就試吓一間叫四點金潮州菜。餐廳環境唔錯，裝修都新派，樓底又高，空間感十足。因為朋友係潮州人，所以今晚都主打食潮州嘢。首先叫咗個滷水鵝肝鵝腸拼盤。鵝腸上面嘅肥膏唔太多，但咬落去都甘香，亦都爽口，而滷水味唔太鹹，算係啱啱好。鵝肝就非常好食，外面嘅滷水入味，個心中間做到入口即溶嘅效果，拍得住西餐煎鵝肝，好食好食。再嚟過普寧炸豆腐，外皮炸得香脆，入面豆香味濃，點韭菜魚露食，鹹味就啱啱好。另外一個潮州名菜就係沙茶炒牛肉，店員講如果唔係用芥蘭炒，呢碟就唔係正宗嘅潮州菜。芥蘭都揀最嫩嘅部份，牛肉用沙茶醬同炒，好濃味，配合芥蘭嘅青甜都平衡得好好。最後叫返個蠔仔肉碎粥，蠔仔非常大粒，洗得乾淨完全冇殼，肉碎裏面加咗方魚，令到成個湯底都好鮮甜，加少少胡椒粉食，咁就啱啱好夠飽肚啦。餐廳除咗潮州菜，其實都有粵菜小炒，但主打潮州菜，做得唔錯，滷水香濃順喉，令人食過返尋味😋
餐廳環境唔錯，裝修都新派，樓底又高，空間感十足。
滷水鵝肝拼鵝腸
3 瀏覽
0 讚好
0 留言
因為朋友係潮州人，所以今晚都主打食潮州嘢。首先叫咗個滷水鵝肝鵝腸拼盤。鵝腸上面嘅肥膏唔太多，但咬落去都甘香，亦都爽口，而滷水味唔太鹹，算係啱啱好。鵝肝就非常好食，外面嘅滷水入味，個心中間做到入口即溶嘅效果，拍得住西餐煎鵝肝，好食好食。
普寧炸豆腐
1 瀏覽
0 讚好
0 留言
再嚟過普寧炸豆腐，外皮炸得香脆，入面豆香味濃，點韭菜魚露食，鹹味就啱啱好。
沙茶牛肉
3 瀏覽
0 讚好
0 留言
另外一個潮州名菜就係沙茶炒牛肉，店員講如果唔係用芥蘭炒，呢碟就唔係正宗嘅潮州菜。芥蘭都揀最嫩嘅部份，牛肉用沙茶醬同炒，好濃味，配合芥蘭嘅青甜都平衡得好好。
蠔仔粥
1 瀏覽
0 讚好
0 留言
最後叫返個蠔仔肉碎粥，蠔仔非常大粒，洗得乾淨完全冇殼，肉碎裏面加咗方魚，令到成個湯底都好鮮甜，加少少胡椒粉食，咁就啱啱好夠飽肚啦。
餐廳除咗潮州菜，其實都有粵菜小炒，但主打潮州菜，做得唔錯，滷水香濃順喉，令人食過返尋味😋
張貼
