金記冰室 (建新中心)

營業中

休息中

今日想輕輕鬆鬆食茶記但係又想試啲新式小小嘅 所以就決定嚟金記試吓啦 金記就話就話新式 但其實佢都係一間老店嚟㗎 只不過有好多翻新工程做咗 而且都新開左唔少嘅分店 都變咗間好啱平民百姓食嘅茶記 今日就嚟到九龍塘嘅呢一間金記 晚飯時間入座已經有好多人 都要等咗一陣位先到我哋入去 入到去之後今日夜晚都會想食返啲中午可以食嘅野🤣 所以就叫咗個豬潤通粉 而朋友就叫咗 男人的浪漫 豆腐火腩飯😂 另外仲加配左杯紅豆冰同埋凍檸茶添！ 首先講講豬膶通粉 豬膶通粉入邊有好多姜絲 可以癖一癖啲腥味 通粉細細粒但係做到好煙銀 豬潤唔會太厚 比較容易接受！ 另外就係豆腐火腩飯 依度嘅豆腐火腩飯比出邊嘅多汁少少 鍾意食汁嘅朋友就可以食呢個 火腩雖然煮咗一排 但都保留返嗰層脆皮喺度 而豆腐呢都吸晒個汁嘅精華 真係幾好食 撈飯一流🤓 另外就再講講下紅豆冰同埋檸檬茶啦 紅豆冰除咗有紅豆蓉之外仲有紅豆粒 增加口感 而且個奶方面飲落去除咗有牛奶之外仲有少少花奶 成個感覺同平時出邊飲到嘅紅豆冰好唔同 而凍檸茶呢夠酸同埋茶底都做得好好 值得欣賞！