February

營業中

休息中

今日嚟到位於觀塘駿業街中海日升中心嘅February食晚飯，成間餐廳嘅佈置都好有氣氛，餐廳掛滿嘅吊燈，佈置得好靚呀。餐廳嘅座位亦都好闊落，雖然今日係平日，但其實成間餐廳都已經滿座咁滯，所以如果平時想來，可能要早少少嚟啦。我哋就要咗set dinner，包括前菜，餐湯，主菜，甜品，同埋飲品等等。和風清酒蒸鮑魚鮑魚入口有淡淡的清酒香味，仲有鮑魚嘅鮮甜味，肉質彈牙。香煎鴨肝多士鴨乾煎得夠晒香脆，多士又脆又薄，油香味濃郁。龍蝦湯龍蝦湯入口非常之濃郁，味道又唔會太過鹹，非常好味。美國頂級黑安格斯牛小排黑安格斯牛扒味道非常之濃郁，油脂分布好平均，入口有牛肉嘅肉香同埋脂肪嘅香味。香烤寶雲酥羊架羊架肉味香濃，唔會煮得過咗火，再加上烤得好好，非常之好味呀。豬胺經香草調味之後嘅豬胺按非常好味，入口除咗有淡淡的肉汁，仲有香草嘅香味，加上真係好大塊，所以都幾抵食㗎。藍莓芝士餅芝士香味突出，加上入口又唔會覺得太過肥膩，份量又唔會太過多，啱啱好。整體來講，成間餐廳嘅氣氛都非常好，加上食物質素都唔錯，唔怪之得成晚都滿座。