Tuned Coffee & Roastery

營業中

休息中

太子呢頭有幾間美術用品店經常幫襯，買完一大輪嘢都需要坐低食嘢抖一抖。咁啱見到咖啡店門口有啲植物入面裝修又唔錯，最緊要有位，同朋友講唔好諗咁多直入搵位坐點餐啦☆Figs and Walnuts Pomegranate Salad 無花果合桃石榴果黑醋沙律▪︎一大個玻璃碗沙律，蔬菜份量多也算新鮮，面頭灑咗啲合桃碎、紅石榴籽、幾片無花果，以上幾樣食材都味道不濃，幸而有黑醋和羊芝士，吊出甜甜酸酸味☆Bacon and Smoked Salmon Benedict 煙肉三文魚班尼迪蛋▪︎個擺盤的確有啲氣勢，以pink pepper點綴嘅班尼迪蛋黃一戳即破、點會唔啱打卡？流黃下有三文魚質素正常，再下一層係芝麻多穀麵包、非常耐嚼好紮實，再伴以煙肉菠菜，用蘋果醋荷蘭汁調味，整個味道多完化☆Ravioli in Tomato and Rosemary Sauce 迷迭香蕃茄醬菠菜芝士意大利雲吞▪︎個份量唔大都叫啱啱好。無肉個人覺得可以當素食無咁漏。講真雲吞個菠菜芝士餡料唔太多，勝在味道唔過龍清清淡淡，迷迭香蕃茄伴醬會開胃啲☆Earl Grey Egg Pudding 伯爵茶焦糖布甸▪︎外貌討好，頂頭有舊crea