Crispy Bistro (已結業)

每日返工都經過，以前裝修較為開揚，後來加咗玻璃門。今日早放，揀咗黎哩度食 lunch。唔知係咪岩岩開門，成個餐廳只有我一個人，可以靜靜咁享受午餐。店舖大約有10個座位，座位旁邊就係廚房水吧，落單後，就會見到職員默默咁準備食物。可能仲早，所以職員都只有一位，落單、準備食物到收錢都係一個人，一腳踢。牆上有zentangle 畫裝飾 (忘記影相) 由於只有我一個，所以食物上菜速度都算快。All Day Breakfast 有得揀配 sour dough 或者 waffle 。我自己係waffle 愛好者，但好怕啲餐廳整嘅waffle 唔香好淋。不過有得揀waffle 嘅地方唔多，就俾一次機會佢！果然佢無令我失望！仲有成4片咁多！餐廳自動配埋蜜糖。份早餐有沙律菜，又有 smoke salmon，份量夠哂👍🏻點完餐，職員會放底沙律醬汁架。就會俾客人靜靜咁用餐。