鮨玥 (已結業)

同女友人來到西灣河食日本野，一直唔知海濱依邊有咁多餐廳。餐廳座位舒適，唔怕坐得擠迫，整齊清潔，感覺休閑。本鮪壽司盛$265一睇就知好新鮮，一次過可以試晒唔同質感層次嘅吞拿魚壽司，睇色澤已經令人心動。赤身、中拖羅大拖羅，三款入邊我最喜歡大拖羅嘅油脂感。特大北海道厚岸蠔 $156特大嘅北海道蠔，肥大飽滿，一啖放入口超級滿足，海水味重。唐揚日本池魚苗 $68第一次食，又幾特別，一啖一口，脆卜卜。油份唔會過多，用嚟送我哋嘅生啤，一流。明太子雞翼$60雞翼燒得好靚，明太子釀雞翼超飽滿，帶有少少辛辣味。西京平目魚$85西京燒甜甜地，油份極高嘅平目魚。魚外皮燒得焦香，魚肉滑脫脫。生薑燒安格斯牛肉丼$130安格斯牛肉味濃，醬汁甜甜地，佢嘅米飯亦都好軟熟，粒粒米飽滿。